헬라어 문장 검색 - Ηιπποξ́Ηιπποξρ́2́15́0́

(히포크라테스, Hippocrates Collected Works I, ΠΕΡΙ ΑΕΡΩΝ ΥΔΑΤΩΝ ΤΟΠΩΝ, xv.)

Περὶ μὲν οὖν τούτων οὕτωσ ἔχειν μοι δοκεῖ. περὶ δὲ τῶν ἐν Φάσει‧ ἡ χώρη ἐκείνη ἑλώδησ ἐστὶ καὶ θερμὴ καὶ ὑδατεινὴ καὶ δασεῖα, ὄμβροι τε αὐτόθι γίνονται πᾶσαν ὡρ́ην πολλοί τε καὶ ἰσχυροί‧ ἥ τε δίαιτα τοῖσ ἀνθρώποισ ἐν τοῖσ ἕλεσίν ἐστιν, τά τε οἰκήματα ξύλινα καὶ καλάμινα ἐν τοῖσ ὕδασι μεμηχανημένα‧ ὀλίγῃ τε χρέονται βαδίσει κατὰ τὴν πόλιν καὶ τὸ ἐμπόριον, ἀλλὰ μονοξύλοισ διαπλέουσιν ἄνω καὶ κάτω‧ διώρυγεσ γὰρ πολλαί εἰσι. τὰ δὲ ὕδατα θερμὰ καὶ στάσιμα πίνουσιν ὑπό τε τοῦ ἡλίου σηπόμενα καὶ ὑπὸ τῶν ὄμβρων ἐπαυξόμενα. αὐτόσ τε ὁ Φᾶσισ στασιμώτατοσ πάντων τῶν ποταμῶν καὶ Ῥέων ἠπιώτατα. οἵ τε καρποὶ οἱ γινόμενοι αὐτόθι πάντεσ ἀναλδέεσ εἰσὶ καὶ τεθηλυσμένοι καὶ ἀτελέεσ ὑπὸ πολυπληθείησ τοῦ ὕδατοσ‧ διὸ καὶ οὐ πεπαίνονται. ἠήρ τε πολὺσ κατέχει τὴν χώρην ἀπὸ τῶν ὑδάτων. διὰ ταύτασ δὴ τὰσ προφάσιασ τὰ εἴδεα ἀπηλλαγμένα τῶν λοιπῶν ἀνθρώπων ἔχουσιν οἱ Φασιηνοί‧ τά τε γὰρ μεγέθεα μεγάλοι, τὰ πάχεα δ’ ὑπερπάχητεσ, ἄρθρον τε κατάδηλον οὐδὲν οὐδὲ φλέψ‧ τήν τε χροιὴν ὠχρὴν ἔχουσιν ὥσπερ ὑπὸ ἰκτέρου ἐχόμενοι‧ φθέγγονταί τε βαρύτατον ἀνθρώπων, τῷ ἠέρι χρεώμενοι οὐ λαμπρῷ, ἀλλὰ νοτώδει καὶ θολερῷ‧ πρόσ τε τὸ ταλαιπωρεῖν τὸ σῶμα ἀργότεροι πεφύκασιν. αἵ τε ὡρ͂αι οὐ πολὺ μεταλλάσσουσιν οὔτε πρὸσ τὸ πνῖγοσ οὔτε πρὸσ τὸ ψῦχοσ. τά τε πνεύματα τὰ πολλὰ νότια πλὴν αὔρησ μιῆσ ἐπιχωρίησ. αὕτη δὲ πνεῖ ἐνίοτε βίαιοσ καὶ χαλεπὴ καὶ θερμή‧ καὶ κέγχρονα ὀνομάζουσι τοῦτο τὸ πνεῦμα. ὁ δὲ βορέησ οὐ σφόδρα ἀφ ικνεῖται‧ ὁκόταν δὲ πνέῃ, ἀσθενὴσ καὶ βληχρόσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Hippocrates Collected Works I, ΠΕΡΙ ΑΕΡΩΝ ΥΔΑΤΩΝ ΤΟΠΩΝ, xv.

(히포크라테스, Hippocrates Collected Works I, ΠΕΡΙ ΑΕΡΩΝ ΥΔΑΤΩΝ ΤΟΠΩΝ, xv.)

상위

목록

SEARCH

MENU NAVIGATION