헬라어 문장 검색 - Ηιπποξ́Ηιπποξρ́2́12́0́

(히포크라테스, Hippocrates Collected Works I, ΠΕΡΙ ΑΕΡΩΝ ΥΔΑΤΩΝ ΤΟΠΩΝ, xii.)

Περὶ μὲν τούτων οὕτωσ ἔχει. βούλομαι δὲ περὶ τῆσ Ἀσίησ καὶ τῆσ Εὐρώπησ δεῖξαι ὁκόσον διαφέρουσιν ἀλλήλων ἐσ τὰ πάντα καὶ περὶ τῶν ἐθνέων τῆσ μορφῆσ, ὅτι διαλλάσσει καὶ μηδὲν ἐοίκεν ἀλλήλοισιν. περὶ μὲν οὖν ἁπάντων πολὺσ ἂν εἰή λόγοσ, περὶ δὲ τῶν μεγίστων καὶ πλεῖστον διαφερόντων ἐρέω ὥσ μοι δοκεῖἔχειν. τὴν Ἀσίην πλεῖστον διαφέρειν φημὶ τῆσ Εὐρώπησ ἐσ τὰσ φύσιασ τῶν συμπάντων τῶν τε ἐκ τῆσ γῆσ φυομένων καὶ τῶν ἀνθρώπων. πολὺ γὰρ καλλίονα καὶ μέζονα πάντα γίνεται ἐν τῇ Ἀσίῃ, ἥ τε χώρη τῆσ χώρησ ἡμερωτέρη καὶ τὰ ἤθεα τῶν ἀνθρώπων ἠπιώτερα καὶ εὐοργητότερα. τὸ δὲ αἴτιον τούτων ἡ κρῆσισ τῶν ὡρέων, ὅτι τοῦ ἡλίου ἐν μέσῳ τῶν ἀνατολέων κεῖται πρὸσ τὴν ἠῶ τοῦ τε ψυχροῦ πορρωτέρω. τὴν δὲ αὔξησιν καὶ ἡμερότητα παρέχει πλεῖστον ἁπάντων, ὁκόταν μηδὲν ᾖ ἐπικρατέον βιαίωσ, ἀλλὰ παντὸσ ἰσομοιρίη δυναστεύῃ. ἔχει δὲ κατὰ τὴν Ἀσίηνοὐ παν ταχῇ ὁμοίωσ, ἀλλ’ ὅση μὲν τῆσ χώρησ ἐν μέσῳ κεῖται τοῦ θερμοῦ καὶ τοῦ ψυχροῦ, αὕτη μὲν εὐκαρποτάτη ἐστὶ καὶ εὐδενδροτάτη καὶ εὐδιεστάτη καὶ ὕδασι καλλίστοισι κέχρηται τοῖσί τε οὐρανίοισι καὶ τοῖσ ἐκ τῆσ γῆσ. οὔτε γὰρ ὑπὸ τοῦ θερμοῦ ἐκκέκαυται λίην οὔτε ὑπὸ αὐχμῶν καὶ ἀνυδρίησ ἀναξηραίνεται, οὔτε ὑπὸ ψύχεοσ βεβιασμένη οὔτε νοτία τε καὶ διάβροχόσ ἐστιν ὑπό τε ὄμβρων πολλῶν καὶ χιόνοσ‧ τά τε ὡραῖα αὐτόθι πολλὰ εἰκὸσ γίνεσθαι, ὁκόσα τε ἀπὸ σπερμάτων καὶ ὁκόσα αὐτὴ ἡ γῆ ἀναδιδοῖ φυτά, ὧν τοῖσ καρποῖσι χρέονται ἄνθρωποι, ἡμεροῦντεσ ἐξ ἀγρίων καὶ ἐσ ἐπιτήδειον μεταφυτεύοντεσ‧ τά τε ἐντρεφόμενα κτήνεα εὐθηνεῖν εἰκόσ, καὶ μάλιστα τίκτειν τε πυκνότατα καὶ ἐκτρέφειν κάλλιστα‧ τούσ τε ἀνθρώπουσ εὐτραφέασ εἶναι καὶ τὰ εἴδεα καλλίστουσ καὶ μεγέθει μεγίστουσ καὶ ἥκιστα διαφόρουσ ἐσ τά τε εἴδεα αὐτῶν καὶ τὰ μεγέθεα‧ εἰκόσ τε τὴν χώρην ταύτην τοῦ ἦροσ ἐγγύτατα εἶναι κατὰ τὴν φύσιν καὶ τὴν μετρι ότητα τῶν ὡρέων. τὸ δὲ ἀνδρεῖον καὶ τὸ ταλαί πωρον καὶ τὸ ἔμπονον καὶ τὸ θυμοειδὲσ οὐκ ἂν δύναιτο ἐν τοιαύτῃ φύσει ἐγγίνεσθαι οὔτε ὁμοφύλου οὔτε ἀλλοφύλου, ἀλλὰ τὴν ἡδονὴν ἀνάγκη κρατεῖν . . . . . . διότι πολύμορφα γίνεται τὰ ἐν τοῖσ θηρίοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Hippocrates Collected Works I, ΠΕΡΙ ΑΕΡΩΝ ΥΔΑΤΩΝ ΤΟΠΩΝ, xii.

(히포크라테스, Hippocrates Collected Works I, ΠΕΡΙ ΑΕΡΩΝ ΥΔΑΤΩΝ ΤΟΠΩΝ, xii.)

상위

목록

SEARCH

MENU NAVIGATION