헬라어 문장 검색 - Ηιπποξ́Ηιπποξρ́2́05́

(히포크라테스, Hippocrates Collected Works I, ΠΕΡΙ ΑΕΡΩΝ ΥΔΑΤΩΝ ΤΟΠΩΝ, v.)

Περὶ μὲν οὖν τῶν θερμῶν πνευμάτων καὶ τῶν ψυχρῶν καὶ τῶν πολίων τούτων ὧδε ἔχει ὡσ προείρηται. ὁκόσαι δὲ κέονται πρὸσ τὰ πνεύματα τὰ μεταξὺ τῶν θερινῶν ἀνατολέων τοῦ ἡλίου καὶ τῶν χειμερινῶν καὶ ὁκόσαι τὸ ἐναντίον τούτων, ὧδε ἔχει περὶ αὐτέων‧ ὁκόσαι μὲν πρὸσ τὰσ ἀνατολὰσ τοῦ ἡλίου κέονται, ταύτασ εἰκὸσ εἶναι ὑγιεινοτέρασ τῶν πρὸσ τὰσ ἄρκτουσ ἐστραμμένων καὶ τῶν πρὸσ τὰ θερμά, ἢν καὶ στάδιον τὸ μεταξὺ ᾖ. πρῶτον μὲν γὰρ μετριώτερον ἔχει τὸ θερμὸν καὶ τὸ ψυχρόν‧ ἔπειτα τὰ ὕδατα, ὁκόσα πρὸσ τὰσ τοῦ ἡλίου ἀνατολάσ ἐστι, ταῦτα λαμπρά τε εἶναι ἀνάγκη καὶ εὐώδεα καὶ μαλθακὰ καὶ ἐρατεινὰ ἐγγίνεσθαι ἐν ταύτῃ τῇ πόλει‧ ὁ γὰρ ἥλιοσ † κωλύει ἀνίσχων καὶ καταλάμπων. τὸ γὰρ ἑωθινὸν ἑκάστοτε αὐτὸσ ὁ ἠὴρ ἐπέχει ὡσ ἐπὶ τὸ πολύ. † τά τε εἴδεα τῶν ἀνθρώπων εὔχροά τε καὶ ἀνθηρά ἐστι μᾶλλον ἢ ἄλλῃ ἢν μή τισ νοῦσοσ κωλύῃ. λαμπρόφωνοί τε οἱ ἄνθρωποι ὀργήν τε καὶ σύνεσιν βελτίουσ εἰσὶ τῶν προσβορείων, ᾗπερ καὶ τὰ ἄλλα τὰ ἐμφυόμενα ἀμείνω ἐστίν. ἐοίκέ τε μάλιστα ἡ οὕτω κειμένη πόλισ ἦρι κατὰ τὴν μετριότητα τοῦ θερμοῦ καὶ τοῦ ψυχροῦ‧ τά τε νοσεύματα ἐλάσσω μὲν γίνεται καὶ ἀσθενέστερα, ἐοίκε δὲ τοῖσ ἐν τῇσι πόλεσι γενομένοισ νοσεύμασι τῇσι πρὸσ τὰ θερμὰ πνεύματα ἐστραμμένῃσιν. αἵ τε γυναῖκεσ αὐτόθι ἀρικύμονέσ εἰσι σφόδρα καὶ τίκτουσι Ῥηϊδίωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Hippocrates Collected Works I, ΠΕΡΙ ΑΕΡΩΝ ΥΔΑΤΩΝ ΤΟΠΩΝ, v.

(히포크라테스, Hippocrates Collected Works I, ΠΕΡΙ ΑΕΡΩΝ ΥΔΑΤΩΝ ΤΟΠΩΝ, v.)

상위

목록

SEARCH

MENU NAVIGATION