Hippocrates, Hippocrates Collected Works I, ΠΕΡΙ ΑΕΡΩΝ ΥΔΑΤΩΝ ΤΟΠΩΝ, ii.

(히포크라테스, Hippocrates Collected Works I, ΠΕΡΙ ΑΕΡΩΝ ΥΔΑΤΩΝ ΤΟΠΩΝ, ii.)

Καὶ ἀπὸ τούτων χρὴ ἐνθυμεῖσθαι ἕκαστα. εἰ γὰρ ταῦτα εἰδείη τισ καλῶσ, μάλιστα μὲν πάντα, εἰ δὲ μή, τά γε πλεῖστα, οὐκ ἂν αὐτὸν λανθάνοι ἐσ πόλιν ἀφικνεόμενον, ἧσ ἂν ἄπειροσ ᾖ, οὔτε νοσήματα ἐπιχώρια οὔτε τῶν κοινῶν ἡ φύσισ, ὁκοίη τίσ ἐστιν‧ ὥστε μὴ ἀπορεῖσθαι ἐν τῇ θεραπείῃ τῶν νούσων μηδὲ διαμαρτάνειν‧ ἃ εἰκόσ ἐστι γίνεσθαι, ἢν μή τισ ταῦτα πρότερον εἰδὼσ προφροντίσῃ περὶ ἑκάστου‧ τοῦ δὲ χρόνου προϊόντοσ καὶ τοῦ ἐνιαυτοῦ λέγοι ἄν, ὁκόσα τε νοσήματα μέλλει πάγκοινα τὴν πόλιν κατασχή σειν ἢ θέρεοσ ἢ χειμῶνοσ, ὁκόσα τε ἴδια ἑκάστῳ κίνδυνοσ γίνεσθαι ἐκ μεταβολῆσ τῆσ διαίτησ. εἰδὼσ γὰρ τῶν ὡρέων τὰσ μεταβολὰσ καὶ τῶν ἄστρων τὰσ ἐπιτολάσ τε καὶ δύσιασ, καθότι ἕκαστον τούτων γίνεται, προειδείη ἂν τὸ ἔτοσ ὁκοῖόν τι μέλλει γίνεσθαι. οὕτωσ ἄν τισ ἐννοεύμενοσ καὶ προγινώσκων τοὺσ καιροὺσ μάλιστ’ ἂν εἰδείη περὶ ἑκάστου καὶ τὰ πλεῖστα τυγχάνοι τῆσ ὑγιείησ καὶ κατορθοίη οὐκ ἐλάχιστα ἐν τῇ τέχνῃ. εἰ δὲ δοκέοι τισ ταῦτα μετεωρολόγα εἶναι, εἰ μετασταίη τῆσ γνώμησ, μάθοι ἄν, ὅτι οὐκ ἐλάχιστον μέροσ συμβάλλεται ἀστρονομίη ἐσ ἰητρικήν, ἀλλὰ πάνυ πλεῖστον. ἅμα γὰρ τῇσιν ὡρ́ῃσι καὶ αἱ νοῦσοι καὶ αἱ κοιλίαι μεταβάλλουσιν τοῖσιν ἀνθρώποισιν.

일치하는 문장이 없습니다.

SEARCH

MENU NAVIGATION