Hesiod, Shield of Heracles, Book Sh. 33:

(헤시오도스, 헤라클레스의 방패, Book Sh. 33:)

κύκνε πέπον, τί νυ νῶιν ἐπίσχετον ὠκέασ ἵππουσ ἀνδράσιν, οἵ τε πόνου καὶ ὀιζύοσ ἴδριέσ εἰμεν; ἀλλὰ παρὲξ ἔχε δίφρον ἐύξοον ἠδὲ κελεύθου εἶκε παρὲξ ἰέναι. Τρηχῖνα δέ τοι παρελαύνω ἐσ Κήυκα ἄνακτα· ὃ γὰρ δυνάμι τε καὶ αἰδοῖ Τρηχῖνοσ προβέβηκε, σὺ δ’ εὖ μάλα οἶσθα καὶ αὐτόσ· τοῦ γὰρ ὀπυίεισ παῖδα Θεμιστονόην κυανῶπιν. ὦ πέπον, οὐ μὲν γὰρ τοι Ἄρησ θανάτοιο τελευτὴν ἀρκέσει, εἰ δὴ νῶι συνοισόμεθα πτολεμίζειν. ἤδη μέν τέ ἕ φημι καὶ ἄλλοτε πειρηθῆναι ἔγχεοσ ἡμετέρου, ὅθ’ ὑπὲρ Πύλου ἠμαθόεντοσ ἀντίοσ ἔστη ἐμεῖο, μάχησ ἄμοτον μενεαίνων. τρὶσ μὲν ἐμῷ ὑπὸ δουρὶ τυπεὶσ ἠρείσατο γαίῃ οὐταμένου σάκεοσ, τὸ δὲ τέτρατον ἤλασα μηρὸν παντὶ μένει σπεύδων, διὰ δὲ μέγα σαρκὸσ ἄραξα.

상위

Hesiod (헤시오도스)

목록

일치하는 문장이 없습니다.

SEARCH

MENU NAVIGATION