Hesiod, Shield of Heracles, Book Sh. 25:

(헤시오도스, 헤라클레스의 방패, Book Sh. 25:)

ἄνδρεσ δ’, οἳ πρεσβῆεσ ἔσαν γῆράσ τε μέμαρπεν, ἀθρόοι ἔκτοσθεν πυλέων ἔσαν, ἂν δὲ θεοῖσι χεῖρασ ἔχον μακάρεσσι, περὶ σφετέροισι τέκεσσι δειδιότεσ· τοὶ δ’ αὖτε μάχην ἔχον. αἳ δὲ μετ’ αὐτοὺσ Κῆρεσ κυάνεαι, λευκοὺσ ἀραβεῦσαι ὀδόντασ, δεινωπαὶ βλοσυραί τε δαφοιναί τ’ ἄπληταί τε δῆριν ἔχον περὶ πιπτόντων· πᾶσαι δ’ ἄρ’ ἱέντο αἷμα μέλαν πιέειν· ὃν δὲ πρῶτον μεμάποιεν κείμενον ἢ πίπτοντα νεούτατον, ἀμφὶ μὲν αὐτῷ βάλλ’ ὄνυχασ μεγάλουσ, ψυχὴ δ’ Αἴδόσδε κατῇεν Τάρταρον ἐσ κρυόενθ’. αἳ δὲ φρένασ εὖτ’ ἀρέσαντο αἵματοσ ἀνδρομέου, τὸν μὲν ῥίπτασκον ὀπίσσω, ἂψ δ’ ὅμαδον καὶ μῶλον ἐθύνεον αὖτισ ἰοῦσαι. Κλωθὼ καὶ Λάχεσίσ σφιν ἐφέστασαν· ἣ μὲν ὑφήσσων Ἀτροποσ οὔ τι πέλεν μεγάλη θεόσ, ἀλλ’ ἄρα ἥ γε τῶν γε μὲν ἀλλάων προφερήσ τ’ ἦν πρεσβυτάτη τε. πᾶσαι δ’ ἀμφ’ ἑνὶ φωτὶ μάχην δριμεῖαν ἔθεντο. δεινὰ δ’ ἐσ ἀλλήλασ δράκον ὄμμασι θυμήνασαι, ἐν δ’ ὄνυχασ χεῖράσ τε θρασείασ ἰσώσαντο. πὰρ δ’ Ἀχλὺσ εἱστήκει ἐπισμυγερή τε καὶ αἰνή, χλωρὴ ἀυσταλέη λιμῷ καταπεπτηυῖα, γουνοπαχήσ, μακροὶ δ’ ὄνυχεσ χείρεσσιν ὑπῆσαν. τῆσ ἐκ μὲν ῥινῶν μύξαι ῥέον, ἐκ δὲ παρειῶν αἷμ’ ἀπελείβετ’ ἔραζ’· ἣ δ’ ἄπλητον σεσαρυῖα εἱστήκει, πολλὴ δὲ κόνισ κατενήνοθεν ὤμουσ, δάκρυσι μυδαλέη. παρὰ δ’ εὔπυργοσ πόλισ ἀνδρῶν· χρύσειαι δέ μιν εἶχον ὑπερθυρίοισ ἀραρυῖαι ἑπτὰ πύλαι· τοὶ δ’ ἄνδρεσ ἐν ἀγλαί̈ῃσ τε χοροῖσ τε τέρψιν ἔχον· τοὶ μὲν γὰρ ἐυσσώτρου ἐπ’ ἀπήνησ ἤγοντ’ ἀνδρὶ γυναῖκα, πολὺσ δ’ ὑμέναιοσ ὀρώρει· τῆλε δ’ ἀπ’ αἰθομένων δαί̈δων σέλασ εἰλύφαζε χερσὶν ἔνι δμῳῶν· ταὶ δ’ ἀγλαί̈ῃ τεθαλυῖαι πρόσθ’ ἔκιον· τῇσιν δὲ χοροὶ παίζοντεσ ἕποντο. τοὶ μὲν ὑπὸ λιγυρῶν συρίγγων ἱέσαν αὐδὴν ἐξ ἁπαλῶν στομάτων, περὶ δέ σφισιν ἄγνυτο ἠχώ.

상위

Hesiod (헤시오도스)

목록

일치하는 문장이 없습니다.

SEARCH

MENU NAVIGATION