Hesiod, Shield of Heracles, Book Sh. 24:

(헤시오도스, 헤라클레스의 방패, Book Sh. 24:)

ἐν δ’ ἦν ἠυκόμου Δανάησ τέκοσ, ἱππότα Περσεύσ, οὔτ’ ἄρ’ ἐπιψαύων σάκεοσ ποσὶν οὔθ’ ἑκὰσ αὐτοῦ, θαῦμα μέγα φράσσασθ’, ἐπεὶ οὐδαμῇ ἐστήρικτο. τὼσ γάρ μιν παλάμαισ τεῦξεν κλυτὸσ Ἀμφιγυήεισ χρύσεον· ἀμφὶ δὲ ποσσὶν ἔχεν πτερόεντα πέδιλα. ὤμοισιν δέ μιν ἀμφὶ μελάνδετον ἀο͂ρ ἔκειτο χαλκέου ἐκ τελαμῶνοσ· ὃ δ’ ὥσ τε νόημ’ ἐποτᾶτο· πᾶν δὲ μετάφρενον εἶχε κάρη δεινοῖο πελώρου, Γοργοῦσ· ἀμφὶ δέ μιν κίβισισ θέε, θαῦμα ἰδέσθαι, ἀργυρέη· θύσανοι δὲ κατῃωρεῦντο φαεινοὶ χρύσειοι· δεινὴ δὲ περὶ κροτάφοισιν ἄνακτοσ κεῖτ’ Αἴδοσ κυνέη νυκτὸσ ζόφον αἰνὸν ἔχουσα. αὐτὸσ δὲ σπεύδοντι καὶ ἐρρίγοντι ἐοικὼσ Περσεὺσ Δαναί̈δησ ἐτιταίνετο. ταὶ δὲ μετ’ αὐτὸν Γοργόνεσ ἄπλητοί τε καὶ οὐ φαταὶ ἐρρώοντο ἱέμεναι μαπέειν. ἐπὶ δὲ χλωροῦ ἀδάμαντοσ βαινουσέων ἰάχεσκε σάκοσ μεγάλῳ ὀρυμαγδῷ ὀξέα καὶ λιγέωσ· ἐπὶ δὲ ζώνῃσι δράκοντε δοιὼ ἀπῃωρεῦντ’ ἐπικυρτώοντε κάρηνα. λίχμαζον δ’ ἄρα τώ γε· μένει δ’ ἐχάρασσον ὀδόντασ ἄγρια δερκομένω. ἐπὶ δὲ δεινοῖσι καρήνοισ Γοργείοισ ἐδονεῖτο μέγασ Φόβοσ. οἳ δ’ ὑπὲρ αὐτέων ἄνδρεσ ἐμαρνάσθην πολεμήια τεύχε’ ἔχοντεσ, τοὶ μὲν ὑπὲρ σφετέρησ πόλιοσ σφετέρων τε τοκήων λοιγὸν ἀμύνοντεσ, τοὶ δὲ πραθέειν μεμαῶτεσ. πολλοὶ μὲν κέατο, πλέονεσ δ’ ἔτι δῆριν ἔχοντεσ μάρνανθ’· αἱ δὲ γυναῖκεσ ἐυδμήτων ἐπὶ πύργων χαλκέων ὀξὺ βόων, κατὰ δ’ ἐδρύπτοντο παρειάσ, ζωῇσιν ἴκελαι, ἔργα κλυτοῦ Ἡφαίστοιο.

상위

Hesiod (헤시오도스)

목록

일치하는 문장이 없습니다.

SEARCH

MENU NAVIGATION