호흡부호 보기
강세부호 보기
장단부호 보기
작은 Iota 보기
모든 부호 보기
χερσί γε μὴν σάκοσ εἷλε παναίολον, οὐδέ τισ αὐτὸ οὔτ’ ἔρρηξε βαλὼν οὔτ’ ἔθλασε, θαῦμα ἰδέσθαι. πᾶν μὲν γὰρ κύκλῳ τιτάνῳ λευκῷ τ’ ἐλέφαντι ἠλέκτρῳ θ’ ὑπολαμπὲσ ἐήν χρυσῷ τε φαεινῷ λαμπόμενον, κυάνου δὲ διὰ πτύχεσ ἠλήλαντο. ἐν μέσσῳ δ’ ἀδάμαντοσ ἐήν Φόβοσ οὔ τι φατειόσ, ἔμπαλιν ὄσσοισιν πυρὶ λαμπομένοισι δεδορκώσ· τοῦ καὶ ὀδόντων μὲν πλῆτο στόμα λευκὰ θεόντων, δεινῶν ἀπλήτων, ἐπὶ δὲ βλοσυροῖο μετώπου δεινὴ Ἔρισ πεπότητο κορύσσουσα κλόνον ἀνδρῶν, σχετλίη, ἥ ῥα νόον τε καὶ ἐκ φρένασ εἵλετο φωτῶν. οἵτινεσ ἀντιβίην πόλεμον Διὸσ υἱῖ φέροιεν. τῶν καὶ ψυχαὶ μὲν χθόνα δύμεναι Αἴδοσ εἴσω κάκκιον, ὀστέα δέ σφι περὶ ῥινοῖο σαπείσησ Σειρίου ἀζαλέοιο μελαίνῃ πύθεται αἰῄ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기