Hesiod, Shield of Heracles, Book Sh. 3:

(헤시오도스, 헤라클레스의 방패, Book Sh. 3:)

οὐδ’ ὅ γ’ ἐπὶ δμῶασ καὶ ποιμένασ ἀγροιώτασ ὦρτ’ ἰέναι, πρίν γ’ ἧσ ἀλόχου ἐπιβήμεναι εὐνῆσ· τοῖοσ γὰρ κραδίην πόθοσ αἴνυτο ποιμένα λαῶν. ὡσ δ’ ὅτ’ ἀνὴρ ἀσπαστὸν ὑπεκπροφύγῃ κακότητα νούσου ὕπ’ ἀργαλέησ ἢ καὶ κρατεροῦ ὑπὸ δεσμοῦ, ὥσ ῥα τότ’ Ἀμφιτρύων χαλεπὸν πόνον ἐκτολυπεύσασ ἀσπασίωσ τε φίλωσ τε ἑὸν δόμον εἰσαφίκανεν. παννύχιοσ δ’ ἄρ’ ἔλεκτο σὺν αἰδοίῃ παρακοίτι τερπόμενοσ δώροισι πολυχρύσου Ἀφροδίτησ. ἣ δὲ θεῷ δμηθεῖσα καὶ ἀνέρι πολλὸν ἀρίστῳ Θήβῃ ἐν ἑπταπύλῳ διδυμάονε γείνατο παῖδε, οὐ καθ’ ὁμὰ φρονέοντε· κασιγνήτω γε μὲν ἤστην· τὸν μὲν χειρότερον, τὸν δ’ αὖ μέγ’ ἀμείνονα φῶτα, δεινόν τε κρατερόν τε, βίην Ἡρακληείην· τὸν μὲν ὑποδμηθεῖσα κελαινεφέι Κρονίωνι, τὸν δ’ ἄρα Ἰφικλῆα δορυσσόῳ Ἀμφιτρύωνι, κεκριμένην γενεήν· τὸν μὲν βροτῷ ἀνδρὶ μιγεῖσα, τὸν δὲ Διὶ Κρονίωνι, θεῶν σημάντορι πάντων.

상위

Hesiod (헤시오도스)

목록

일치하는 문장이 없습니다.

SEARCH

MENU NAVIGATION