Euripides, The Trojan Women, episode 2:

(에우리피데스, The Trojan Women, episode 2:)

ἔξεστι τὸν γένει μὲν ἄγχιστον πατρὸσ μέγαν τε δαίμον’ ἐν θεοῖσ τε τίμιον, λύσασαν ἔχθραν τὴν πάροσ, προσεννέπειν; ἔξεστιν· αἱ γὰρ συγγενεῖσ ὁμιλίαι, ἄνασσ’ Ἀθάνα, φίλτρον οὐ σμικρὸν φρενῶν. ἐπῄνεσ’ ὀργὰσ ἠπίουσ· φέρω δὲ σοὶ κοινοὺσ ἐμαυτῇ τ’ ἐσ μέσον λόγουσ, ἄναξ. μῶν ἐκ θεῶν του καινὸν ἀγγελεῖσ ἔποσ, ἢ Ζηνὸσ ἢ καὶ δαιμόνων τινὸσ πάρα; οὔκ, ἀλλὰ Τροίασ οὕνεκ’, ἔνθα βαίνομεν, πρὸσ σὴν ἀφῖγμαι δύναμιν, ὡσ κοινὴν λάβω. ἦ πού νιν, ἔχθραν τὴν πρὶν ἐκβαλοῦσα, νῦν ἐσ οἶκτον ἦλθεσ πυρὶ κατῃθαλωμένησ; ἐκεῖσε πρῶτ’ ἄνελθε· κοινώσῃ λόγουσ καὶ συνθελήσεισ ἃν ἐγὼ πρᾶξαι θέλω; μάλιστ’· ἀτὰρ δὴ καὶ τὸ σὸν θέλω μαθεῖν· πότερον Ἀχαιῶν ἦλθεσ οὕνεκ’ ἢ Φρυγῶν; τοὺσ μὲν πρὶν ἐχθροὺσ Τρῶασ εὐφρᾶναι θέλω, στρατῷ δ’ Ἀχαιῶν νόστον ἐμβαλεῖν πικρόν. τί δ’ ὧδε πηδᾷσ ἄλλοτ’ εἰσ ἄλλουσ τρόπουσ μισεῖσ τε λίαν καὶ φιλεῖσ ὃν ἂν τύχῃσ; οὐκ οἶσθ’ ὑβρισθεῖσάν με καὶ ναοὺσ ἐμούσ; οἶδ’, ἡνίκ’ Αἰάσ εἷλκε Κασάνδραν βίᾳ. κοὐδέν γ’ Ἀχαιῶν ἔπαθεν οὐδ’ ἤκουσ’ ὕπο. καὶ μὴν ἔπερσάν γ’ Ἴλιον τῷ σῷ σθένει. τοιγάρ σφε σὺν σοὶ βούλομαι δρᾶσαι κακῶσ. ἕτοιμ’ ἃ βούλῃ τἀπ’ ἐμοῦ. δράσεισ δὲ τί; δύσνοστον αὐτοῖσ νόστον ἐμβαλεῖν θέλω. ἐν γῇ μενόντων ἢ καθ’ ἁλμυρὰν ἅλα; ὅταν πρὸσ οἴκουσ ναυστολῶσ’ ἀπ’ Ἰλίου. καὶ Ζεὺσ μὲν ὄμβρον καὶ χάλαζαν ἄσπετον πέμψει, δνοφώδη τ’ αἰθέροσ φυσήματα· ἐμοὶ δὲ δώσειν φησὶ πῦρ κεραύνιον, βάλλειν Ἀχαιοὺσ ναῦσ τε πιμπράναι πυρί. σὺ δ’ αὖ, τὸ σόν, παράσχεσ Αἴγαιον πόρον τρικυμίαισ βρέμοντα καὶ δίναισ ἁλόσ, πλῆσον δὲ νεκρῶν κοῖλον Εὐβοίασ μυχόν, ὡσ ἂν τὸ λοιπὸν τἄμ’ ἀνάκτορ’ εὐσεβεῖν εἰδῶσ’ Ἀχαιοί, θεούσ τε τοὺσ ἄλλουσ σέβειν. ἔσται τάδ’· ἡ χάρισ γὰρ οὐ μακρῶν λόγων δεῖται· ταράξω πέλαγοσ Αἰγαίασ ἁλόσ. ἀκταὶ δὲ Μυκόνου Δήλιοί τε χοιράδεσ Σκῦρόσ τε Λῆμνόσ θ’ αἱ Καφήρειοί τ’ ἄκραι πολλῶν θανόντων σώμαθ’ ἕξουσιν νεκρῶν. ἀλλ’ ἑρ́π’ Ὄλυμπον καὶ κεραυνίουσ βολὰσ λαβοῦσα πατρὸσ ἐκ χερῶν καραδόκει, ὅταν στράτευμ’ Ἀργεῖον ἐξιῇ κάλωσ. μῶροσ δὲ θνητῶν ὅστισ ἐκπορθεῖ πόλεισ, ναούσ τε τύμβουσ θ’, ἱερὰ τῶν κεκμηκότων, ἐρημίᾳ δοὺσ αὐτὸσ ὤλεθ’ ὕστερον.

일치하는 문장이 없습니다.

SEARCH

MENU NAVIGATION