Euripides, Suppliants, episode, antistrophe 1 1:

(에우리피데스, Suppliants, episode, antistrophe 1 1:)

καὶ μὴν ὅδ’ αὐτὸσ σὸσ πατὴρ βαίνει πέλασ γεραιὸσ Ἶφισ ἐσ νεωτέρουσ λόγουσ, οὓσ οὐ κατειδὼσ πρόσθεν ἀλγήσει κλύων. ὦ δυστάλαιναι, δυστάλασ δ’ ἐγὼ γέρων, ἥκω διπλοῦν πένθημ’ ὁμαιμόνων ἔχων, τὸν μὲν θανόντα παῖδα Καδμείων δορὶ Ἐτέοκλον ἐσ γῆν πατρίδα ναυσθλώσων νεκρόν, ζητῶν τ’ ἐμὴν παῖδ’, ἣ δόμων ἐξώπιοσ βέβηκε πηδήσασα Καπανέωσ δάμαρ, θανεῖν ἐρῶσα σὺν πόσει. χρόνον μὲν οὖν τὸν πρόσθ’ ἐφρουρεῖτ’ ἐν δόμοισ· ἐπεὶ δ’ ἐγὼ φυλακὰσ ἀνῆκα τοῖσ παρεστῶσιν κακοῖσ, βέβηκεν. ἀλλὰ τῇδέ νιν δοξάζομεν μάλιστ’ ἂν εἶναι· φράζετ’ εἰ κατείδετε. τί τάσδ’ ἐρωτᾷσ; ἥδ’ ἐγὼ πέτρασ ἔπι ὄρνισ τισ ὡσεὶ Καπανέωσ ὑπὲρ πυρᾶσ δύστηνον αἰώρημα κουφίζω, πάτερ. τέκνον, τίσ αὔρα; τίσ στόλοσ; τίνοσ χάριν δόμων ὑπεκβᾶσ’ ἦλθεσ ἐσ τήνδε χθόνα; ὀργὴν λάβοισ ἂν τῶν ἐμῶν βουλευμάτων κλύων· ἀκοῦσαι δ’ οὔ σε βούλομαι, πάτερ. τί δ’; οὐ δίκαιον πατέρα τὸν σὸν εἰδέναι; κριτὴσ ἂν εἰήσ οὐ σοφὸσ γνώμησ ἐμῆσ. σκευῇ δὲ τῇδε τοῦ χάριν κοσμεῖσ δέμασ; θέλει τι κλεινὸν οὗτοσ ὁ στολμόσ, πάτερ. ὡσ οὐκ ἐπ’ ἀνδρὶ πένθιμοσ πρέπεισ ὁρᾶν. ἐσ γάρ τι πρᾶγμα νεοχμὸν ἐσκευάσμεθα. κἄπειτα τύμβῳ καὶ πυρᾷ φαίνῃ πέλασ; ἐνταῦθα γὰρ δὴ καλλίνικοσ ἔρχομαι. νικῶσα νίκην τίνα; μαθεῖν χρῄζω σέθεν. πάσασ γυναῖκασ ἃσ δέδορκεν ἥλιοσ. ἔργοισ Ἀθάνασ ἢ φρενῶν εὐβουλίᾳ; ἀρετῇ· πόσει γὰρ συνθανοῦσα κείσομαι. τί φῄσ; τί τοῦτ’ αἴνιγμα σημαίνεισ σαθρόν; ᾄσσω θανόντοσ Καπανέωσ τήνδ’ ἐσ πυράν. ὦ θύγατερ, οὐ μὴ μῦθον ἐσ πολλοὺσ ἐρεῖσ. τοῦτ’ αὐτὸ χρῄζω, πάντασ Ἀργείουσ μαθεῖν. ἀλλ’ οὐδέ τοί σοι πείσομαι δρώσῃ τάδε. ὅμοιον· οὐ γὰρ μὴ κίχῃσ μ’ ἑλὼν χερί. καὶ δὴ παρεῖται σῶμα ‐ σοὶ μὲν οὐ φίλον, ἡμῖν δὲ καὶ τῷ συμπυρουμένῳ πόσει.

일치하는 문장이 없습니다.

SEARCH

MENU NAVIGATION