Euripides, Suppliants, episode 1:

(에우리피데스, Suppliants, episode 1:)

κοὐδὲν Κρέων τοῖσδ’ ἀντεκήρυξεν λόγοισ, ἀλλ’ ἧστ’ ἐφ’ ὅπλοισ σῖγα. ποιμένεσ δ’ ὄχων τετραόρων κατῆρχον ἐντεῦθεν μάχησ· πέραν δὲ διελάσαντεσ ἀλλήλων ὄχουσ, παραιβάτασ ἔστησαν ἐσ τάξιν δορόσ. χοἳ μὲν σιδήρῳ διεμάχονθ’, οἳ δ’ ἔστρεφον πώλουσ ἐσ ἀλκὴν αὖθισ ἐσ παραιβάτασ. ἰδὼν δὲ Φόρβασ, ὃσ μοναμπύκων ἄναξ ἦν τοῖσ Ἐρεχθείδαισιν, ἁρμάτων ὄχλον, οἵ τ’ αὖ τὸ Κάδμου διεφύλασσον ἱππικόν, συνῆψαν ἀλκὴν κἀκράτουν ἡσσῶντό τε. λεύσσων δὲ ταῦτα κοὐ κλύων ‐ ἐκεῖ γὰρ ἦ ἔνθ’ ἁρ́ματ’ ἠγωνίζεθ’ οἵ τ’ ἐπεμβάται ‐ τἀκεῖ παρόντα πολλὰ πήματ’, οὐκ ἔχω τί πρῶτον εἴπω, πότερα τὴν ἐσ οὐρανὸν κόνιν προσαντέλλουσαν, ὡσ πολλὴ παρῆν, ἢ τοὺσ ἄνω τε καὶ κάτω φορουμένουσ ἱμᾶσιν, αἵματόσ τε φοινίου ῥοάσ, τῶν μὲν πιτνόντων, τῶν δὲ θραυσθέντων δίφρων ἐσ κρᾶτα πρὸσ γῆν ἐκκυβιστώντων βίᾳ πρὸσ ἁρμάτων τ’ ἀγαῖσι λειπόντων βίον; νικῶντα δ’ ἵπποισ ὡσ ὑπείδετο στρατὸν Κρέων τὸν ἐνθένδ’, ἰτέαν λαβὼν χερὶ χωρεῖ, πρὶν ἐλθεῖν ξυμμάχοισ δυσθυμίαν. καὶ συμπατάξαντεσ μέσον πάντα στρατὸν ἔκτεινον ἐκτείνοντο, καὶ παρηγγύων κελευσμὸν ἀλλήλοισι σὺν πολλῇ βοῇ· Θεῖν’· ἀντέρειδε τοῖσ Ἐρεχθείδαισ δόρυ. καὶ μὴν τὰ Θησέωσ γ’ οὐκ ὄκνῳ διεφθάρη, ἀλλ’ ἱέτ’ εὐθὺσ λάμπρ’ ἀναρπάσασ ὅπλα· λόχοσ δ’ ὀδόντων ὄφεοσ ἐξηνδρωμένοσ δεινὸσ παλαιστὴσ ἦν· ἔκλινε γὰρ κέρασ τὸ λαιὸν ἡμῶν· δεξιοῦ δ’ ἡσσώμενον φεύγει τὸ κείνων· ἦν δ’ ἀγὼν ἰσόρροποσ. κἀν τῷδε τὸν στρατηγὸν αἰνέσαι παρῆν· οὐ γὰρ τὸ νικῶν τοῦτ’ ἐκέρδαινεν μόνον, ἀλλ’ ᾤχετ’ ἐσ τὸ κάμνον οἰκείου στρατοῦ. ἔρρηξε δ’ αὐδήν, ὥσθ’ ὑπηχῆσαι χθόνα· Ὦ παῖδεσ, εἰ μὴ σχήσετε στερρὸν δόρυ σπαρτῶν τόδ’ ἀνδρῶν, οἴχεται τὰ Παλλάδοσ. θάρσοσ δ’ ἐνῶρσε παντὶ Κραναϊδῶν στρατῷ. αὐτόσ θ’ ὅπλισμα τοὐπιδαύριον λαβὼν δεινῆσ κορύνησ διαφέρων ἐσφενδόνα ὁμοῦ τραχήλουσ κἀπικείμενον κάρα, κυνέασ θερίζων κἀποκαυλίζων ξύλῳ. μόλισ δέ πωσ ἔτρεψαν ἐσ φυγὴν πόδα. ἐγὼ δ’ ἀνηλάλαξα κἀνωρχησάμην κἄκρουσα χεῖρασ. οἳ δ’ ἔτεινον ἐσ πύλασ. βοὴ δὲ καὶ κωκυτὸσ ἦν ἀνὰ πτόλιν νέων γερόντων, ἱερά τ’ ἐξεπίμπλασαν φόβῳ. παρὸν δὲ τειχέων ἔσω μολεῖν, Θησεὺσ ἐπέσχεν· οὐ γὰρ ὡσ πέρσων πόλιν μολεῖν ἔφασκεν, ἀλλ’ ἀπαιτήσων νεκρούσ.

일치하는 문장이 없습니다.

SEARCH

MENU NAVIGATION