Euripides, Suppliants, episode 4:

(에우리피데스, Suppliants, episode 4:)

σὺ δ’ ἄνδρασ ἐχθροὺσ καὶ θανόντασ ὠφελεῖσ, θάπτων κομίζων θ’ ὕβρισ οὓσ ἀπώλεσεν; οὔ τἄρ’ ἔτ’ ὀρθῶσ Καπανέωσ κεραύνιον δέμασ καπνοῦται, κλιμάκων ὀρθοστάτασ ὃσ προσβαλὼν πύλῃσιν ὤμοσεν πόλιν πέρσειν θεοῦ θέλοντοσ ἤν τε μὴ θέλῃ; οὐδ’ ἡρ́πασεν χάρυβδισ οἰωνοσκόπον, τέθριππον ἁρ́μα περιβαλοῦσα χάσματι, ἄλλοι τε κεῖνται πρὸσ πύλαισ λοχαγέται πέτροισ καταξανθέντεσ ὀστέων ῥαφάσ; ἤ νυν φρονεῖν ἄμεινον ἐξαύχει Διόσ, ἢ θεοὺσ δικαίωσ τοὺσ κακοὺσ ἀπολλύναι. φιλεῖν μὲν οὖν χρὴ τοὺσ σοφοὺσ πρῶτον τέκνα, ἔπειτα τοκέασ πατρίδα θ’, ἣν αὔξειν χρεὼν καὶ μὴ κατᾶξαι. σφαλερὸν ἡγεμὼν θρασύσ· νεώσ τε ναύτησ ἥσυχοσ, καιρῷ σοφόσ. καὶ τοῦτ’ ἐμοὶ τἀνδρεῖον, ἡ προμηθία. ἐξαρκέσασ ἦν Ζεὺσ ὁ τιμωρούμενοσ, ὑμᾶσ δ’ ὑβρίζειν οὐκ ἐχρῆν τοιάνδ’ ὕβριν. ὦ παγκάκιστε ‐ σῖγ’, Ἄδραστ’, ἔχε στόμα, καὶ μὴ ’πίπροσθεν τῶν ἐμῶν τοὺσ σοὺσ λόγουσ θῇσ· οὐ γὰρ ἥκει πρὸσ σὲ κηρύσσων ὅδε, ἀλλ’ ὡσ ἔμ’· ἡμᾶσ κἀποκρίνασθαι χρεών. καὶ πρῶτα μέν σε πρὸσ τὰ πρῶτ’ ἀμείψομαι. οὐκ οἶδ’ ἐγὼ Κρέοντα δεσπόζοντ’ ἐμοῦ οὐδὲ σθένοντα μεῖζον, ὥστ’ ἀναγκάσαι δρᾶν τὰσ Ἀθήνασ ταῦτ’· ἄνω γὰρ ἂν ῥέοι τὰ πράγμαθ’ οὕτωσ, εἰ ’πιταξόμεσθα δή. πόλεμον δὲ τοῦτον οὐκ ἐγὼ καθίσταμαι, ὃσ οὐδὲ σὺν τοῖσδ’ ἦλθον ἐσ Κάδμου χθόνα· νεκροὺσ δὲ τοὺσ θανόντασ, οὐ βλάπτων πόλιν οὐδ’ ἀνδροκμῆτασ προσφέρων ἀγωνίασ, θάψαι δικαιῶ, τὸν Πανελλήνων νόμον σῴζων. τί τούτων ἐστὶν οὐ καλῶσ ἔχον; εἰ γάρ τι καὶ πεπόνθατ’ Ἀργείων ὕπο, τεθνᾶσιν, ἠμύνασθε πολεμίουσ καλῶσ, αἰσχρῶσ δ’ ἐκείνοισ, χἡ δίκη διοίχεται. ἐάσατ’ ἤδη γῇ καλυφθῆναι νεκρούσ, ὅθεν δ’ ἕκαστον ἐσ τὸ φῶσ ἀφίκετο, ἐνταῦθ’ ἀπελθεῖν, πνεῦμα μὲν πρὸσ αἰθέρα, τὸ σῶμα δ’ ἐσ γῆν· οὔτι γὰρ κεκτήμεθα ἡμέτερον αὐτὸ πλὴν ἐνοικῆσαι βίον, κἄπειτα τὴν θρέψασαν αὐτὸ δεῖ λαβεῖν. δοκεῖσ κακουργεῖν Ἄργοσ οὐ θάπτων νεκρούσ; ἥκιστα· πάσησ Ἑλλάδοσ κοινὸν τόδε, εἰ τοὺσ θανόντασ νοσφίσασ ὧν χρῆν λαχεῖν ἀτάφουσ τισ ἕξει· δειλίαν γὰρ ἐσφέρει τοῖσ ἀλκίμοισιν οὗτοσ ἢν τεθῇ νόμοσ. κἀμοὶ μὲν ἦλθεσ δείν’ ἀπειλήσων ἔπη, νεκροὺσ δὲ ταρβεῖτ’, εἰ κρυβήσονται χθονί; τί μὴ γένηται; μὴ κατασκάψωσι γῆν ταφέντεσ ὑμῶν; ἢ τέκν’ ἐν μυχῷ χθονὸσ φύσωσιν, ἐξ ὧν εἶσί τισ τιμωρία; σκαιόν γε τἀνάλωμα τῆσ γλώσσησ τόδε, φόβουσ πονηροὺσ καὶ κενοὺσ δεδοικέναι.

일치하는 문장이 없습니다.

SEARCH

MENU NAVIGATION