헬라어 문장 검색 - ΕυριπίΡηεσυσ́10́9́

(에우리피데스, Rhesus, episode, antistrophe 1)

ὄλοιτο μὲν Οἰνεί̈δασ, ὄλοιτο δὲ Λαρτιάδασ, ὅσ μ’ ἄπαιδα γέννασ ἔθηκεν ἀριστοτόκοιο· ἅ θ’ Ἕλλανα λιποῦσα δόμον Φρυγίων λεχέων ἔπλευσε πλαθεῖσ’ ὑπ’ Ἰλίῳ ὤλεσε μὲν σ’ ἕκατι Τροίασ, φίλτατε, μυριάδασ τε πόλεισ ἀνδρῶν ἀγαθῶν ἐκένωσεν. ἦ πολλὰ μὲν ζῶν, πολλὰ δ’ εἰσ Αἵδου μολών, Φιλάμμονοσ παῖ, τῆσ ἐμῆσ ἥψω φρενόσ· ὕβρισ γάρ, ἥ σ’ ἔσφηλε, καὶ Μουσῶν ἔρισ τεκεῖν μ’ ἔθηκε τόνδε δύστηνον γόνον. περῶσα γὰρ δὴ ποταμίουσ διὰ ῥοὰσ λέκτροισ ἐπλάθην Στρυμόνοσ φυταλμίοισ, ὅτ’ ἤλθομεν γῆσ χρυσόβωλον ἐσ λέπασ Πάγγαιον ὀργάνοισιν ἐξησκημέναι Μοῦσαι μεγίστην εἰσ ἔριν μελῳδίασ κείνῳ σοφιστῇ Θρῃκί, κἀκτυφλώσαμεν Θάμυριν, ὃσ ἡμῶν πόλλ’ ἐδέννασεν τέχνην. κἀπεὶ σὲ τίκτω, συγγόνουσ αἰδουμένη καὶ παρθενείαν, ἧκ’ ἐσ εὐύδρου πατρὸσ δίνασ·

τρέφειν δέ σ’ οὐ βρότειον ἐσ χέρα Στρυμὼν δίδωσιν, ἀλλὰ πηγαίαισ κόραισ. ἔνθ’ ἐκτραφεὶσ κάλλιστα Παρθένων ὕπο, Θρῄκησ ἀνάσσων πρῶτοσ ἦσθ’ ἀνδρῶν, τέκνον. καί σ’ ἀμφὶ γῆν μὲν πατρίαν φιλαιμάτουσ ἀλκὰσ κορύσσοντ’ οὐκ ἐδείμαινον θανεῖν· Τροίασ δ’ ἀπηύδων ἄστυ μὴ κέλσαι ποτε, εἰδυῖα τὸν σὸν πότμον· ἀλλά σ’ Ἕκτοροσ πρεσβεύμαθ’ αἵ τε μυρίαι γερουσίαι ἔπεισαν ἐλθεῖν κἀπικουρῆσαι φίλοισ. καὶ τοῦδ’, Ἀθάνα, παντὸσ αἰτία μόρου, ‐ οὐδὲν δ’ Ὀδυσσεὺσ οὐδ’ ὁ Τυδέωσ τόκοσ ἔδρασε δράσασ ‐ μὴ δόκει λεληθέναι.

καίτοι πόλιν σὴν σύγγονοι πρεσβεύομεν Μοῦσαι μάλιστα κἀπιχρώμεθα χθονί, μυστηρίων τε τῶν ἀπορρήτων φανὰσ ἔδειξεν Ὀρφεύσ, αὐτανέψιοσ νεκροῦ τοῦδ’ ὃν κατακτείνεισ σύ· Μουσαῖόν τε, σὸν σεμνὸν πολίτην κἀπὶ πλεῖστον ἄνδρ’ ἕνα ἐλθόντα, Φοῖβοσ σύγγονοί τ’ ἠσκήσαμεν. καὶ τῶνδε μισθὸν παῖδ’ ἔχουσ’ ἐν ἀγκάλαισ θρηνῶ· σοφιστὴν δ’ ἄλλον οὐκ ἐπάξομαι. μάτην ἄρ’ ἡμᾶσ Θρῄκιοσ τροχηλάτησ ἐδέννασ’, Ἕκτορ, τῷδε βουλεῦσαι φόνον. ᾔδη τάδ’·

οὐδὲν μάντεων ἔδει φράσαι Ὀδυσσέωσ τέχναισι τόνδ’ ὀλωλότα. ἐγὼ δὲ γῆσ ἔφεδρον Ἑλλήνων στρατὸν λεύσσων, τί μὴν ἔμελλον οὐ πέμψειν φίλοισ κήρυκασ, ἐλθεῖν κἀπικουρῆσαι χθονί; ἔπεμψ’· ὀφείλων δ’ ἦλθε συμπονεῖν ἐμοί. οὐ μὴν θανόντι γ’ οὐδαμῶσ συνήδομαι. καὶ νῦν ἕτοιμοσ τῷδε καὶ τεῦξαι τάφον καὶ ξυμπυρῶσαι μυρίων πέπλων χλιδήν· φίλοσ γὰρ ἐλθὼν δυστυχῶσ ἀπέρχεται. οὐκ εἶσι γαίασ ἐσ μελάγχιμον πέδον· τοσόνδε Νύμφην τὴν ἔνερθ’ αἰτήσομαι, τῆσ καρποποιοῦ παῖδα Δήμητροσ θεᾶσ, ψυχὴν ἀνεῖναι τοῦδ’· ὀφειλέτισ δέ μοι τοὺσ Ὀρφέωσ τιμῶσα φαίνεσθαι φίλουσ. κἀμοὶ μὲν ὡσ θανών τε κοὐ λεύσσων φάοσ ἔσται τὸ λοιπόν· οὐ γὰρ ἐσ ταὐτόν ποτε οὔτ’ εἶσιν οὔτε μητρὸσ ὄψεται δέμασ· κρυπτὸσ δ’ ἐν ἄντροισ τῆσ ὑπαργύρου χθονὸσ ἀνθρωποδαίμων κείσεται βλέπων φάοσ, Βάκχου προφήτησ ὥστε Παγγαίου πέτραν ᾤκησε, σεμνὸσ τοῖσιν εἰδόσιν θεόσ. ῥᾷον δὲ πένθοσ τῆσ θαλασσίασ θεοῦ οἴσω· θανεῖν γὰρ καὶ τὸν ἐκ κείνησ χρεών. θρήνοισ δ’ ἀδελφαὶ πρῶτα μὲν σὲ ὑμνήσομεν, ἔπειτ’ Ἀχιλλέα Θέτιδοσ ἐν πένθει ποτέ. οὐ ῥύσεταί νιν Παλλάσ, ἥ σ’ ἀπέκτανεν· τοῖον φαρέτρα Λοξίου σῴζει βέλοσ. ὦ παιδοποιοὶ συμφοραί, πόνοι βροτῶν· ὡσ ὅστισ ὑμᾶσ μὴ κακῶσ λογίζεται, ἄπαισ διοίσει κοὐ τεκὼν θάψει τέκνα. οὗτοσ μὲν ἤδη μητρὶ κηδεύειν μέλει· σὺ δ’ εἴ τι πράσσειν τῶν προκειμένων θέλεισ, Ἕκτορ, πάρεστι· φῶσ γὰρ ἡμέρασ τόδε. χωρεῖτε, συμμάχουσ δ’ ὁπλίζεσθαι τάχοσ ἄνωχθε πληροῦν τ’ αὐχένασ ξυνωρίδων. πανοὺσ δ’ ἔχοντασ χρὴ μένειν Τυρσηνικῆσ σάλπιγγοσ αὐδήν· ὡσ ὑπερβαλὼν στρατὸν τείχη τ’ Ἀχαιῶν ναυσὶν αἶθον ἐμβαλεῖν πέποιθα Τρωσί θ’ ἡμέραν ἐλευθέραν ἀκτῖνα τὴν στείχουσαν ἡλίου φέρειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Rhesus, episode, antistrophe 1

(에우리피데스, Rhesus, episode, antistrophe 1)

상위

목록

SEARCH

MENU NAVIGATION