헬라어 문장 검색 - ΕυριπίΡηεσυσ́10́6́

(에우리피데스, Rhesus, episode, antistrophe 1)

ἰὼ ἰώ, μετὰ σέ, ναί, μετὰ σέ, ὦ πολίοχον κράτοσ, τότ’ ἄρ’ ἔμολον, ὅτε σοι ἄγγελοσ ἦλθον ἀμφὶ ναῦσ πύρ’ αἴθειν· ἐπεὶ ἄγρυπνον ὄμμ’ ἐν εὐφρόνῃ οὔτ’ ἐκοίμισ’ οὔτ’ ἔβριξ’, οὐ τὰσ Σιμοεντιάδασ πηγάσ· μή μοι κότον, ὦ ἄνα, θῇσ· ἀναίτιοσ γὰρ . . . ἔγωγε πάντων. εἰ δὲ χρόνῳ παράκαιρον ἔργον ἢ λόγον πύθῃ, κατά με γᾶσ ζῶντα πόρευσον· οὐ παραιτοῦμαι. τί τοῖσδ’ ἀπειλεῖσ βάρβαρόσ τε βαρβάρου γνώμην ὑφαιρῇ τὴν ἐμήν, πλέκων λόγουσ; σὺ ταῦτ’ ἔδρασασ· οὐδέν’ ἂν δεξαίμεθα οὔθ’ οἱ θανόντεσ οὔτ’ ἂν οἱ τετρωμένοι ἄλλον· μακροῦ γε δεῖ σε καὶ σοφοῦ λόγου, ὅτῳ με πείσεισ μὴ φίλουσ κατακτανεῖν, ἵππων ἐρασθείσ, ὧν ἕκατι συμμάχουσ τοὺσ σοὺσ φονεύεισ, πόλλ’ ἐπισκήπτων μολεῖν. ἦλθον, τεθνᾶσιν· εὐπρεπέστερον Πάρισ ξενίαν κατῄσχυν’ ἢ σὺ συμμάχουσ κτανών. μὴ γάρ τι λέξῃσ ὥσ τισ Ἀργείων μολὼν διώλεσ’ ἡμᾶσ· τίσ δ’ ὑπερβαλὼν λόχουσ Τρώων ἐφ’ ἡμᾶσ ἦλθεν, ὥστε καὶ λαθεῖν; σὺ πρόσθεν ἡμῶν ἧσο καὶ Φρυγῶν στρατόσ. τίσ οὖν τέτρωται, τίσ τέθνηκε συμμάχων τῶν σῶν, μολόντων ὧν σὺ πολεμίων λέγεισ; ἡμεῖσ δ’ ἑκὰσ τετρώμεθ’, οἳ δὲ μειζόνωσ παθόντεσ οὐχ ὁρῶσιν ἡλίου φάοσ. ἁπλῶσ δ’ Ἀχαιῶν οὐδέν’ αἰτιώμεθα. τίσ δ’ ἂν χαμεύνασ πολεμίων κατ’ εὐφρόνην Ῥήσου μολὼν ἐξηῦρεν, εἰ μή τισ θεῶν ἔφραζε τοῖσ κτανοῦσιν; οὐδ’ ἀφιγμένον τὸ πάμπαν ᾖσαν· ἀλλὰ μηχανᾷ τάδε. χρόνον μὲν ἤδη συμμάχοισι χρώμεθα ὅσονπερ ἐν γῇ τῇδ’ Ἀχαιικὸσ λεώσ, κοὐδὲν πρὸσ αὐτῶν οἶδα πλημμελὲσ κλύων· ἐν σοὶ δ’ ἂν ἀρχοίμεσθα. μή μ’ ἔρωσ ἕλοι τοιοῦτοσ ἵππων ὥστ’ ἀποκτείνειν φίλουσ. καὶ ταῦτ’ Ὀδυσσεύσ· τίσ γὰρ ἄλλοσ ἄν ποτε ἔδρασεν ἢ ’βούλευσεν Ἀργείων ἀνήρ; δέδοικα δ’ αὐτὸν καί τί μου θράσσει φρένασ, μὴ καὶ Δόλωνα συντυχὼν κατακτάνῃ· χρόνον γὰρ ἤδη φροῦδοσ ὢν οὐ φαίνεται. οὐκ οἶδα τοὺσ σοὺσ οὓσ λέγεισ Ὀδυσσέασ· ἡμεῖσ δ’ ὑπ’ ἐχθρῶν οὐδενὸσ πεπλήγμεθα. σὺ δ’ οὖν νόμιζε ταῦτ’, ἐπείπερ σοι δοκεῖ. ὦ γαῖα πατρίσ, πῶσ ἂν ἐνθάνοιμί σοι; μὴ θνῇσχ’· ἅλισ γὰρ τῶν τεθνηκότων ὄχλοσ. ποῖ δὴ τράπωμαι δεσποτῶν μονούμενοσ; οἶκόσ σε κεύθων οὑμὸσ ἐξιάσεται. καὶ πῶσ με κηδεύσουσιν αὐθεντῶν χέρεσ; ὅδ’ αὖ τὸν αὐτὸν μῦθον οὐ λήξει λέγων. ὄλοιθ’ ὁ δράσασ. οὐ γὰρ ἐσ σὲ τείνεται γλῶσσ’, ὡσ σὺ κομπεῖσ· ἡ Δίκη δ’ ἐπίσταται. λάζυσθ’· ἄγοντεσ <δ’> αὐτὸν ἐσ δόμουσ ἐμούσ, οὕτωσ ὅπωσ ἂν μὴ ’γκαλῇ πορσύνετε· ὑμᾶσ δ’ ἰόντασ τοῖσιν ἐν τείχει χρεὼν Πριάμῳ τε καὶ γέρουσι σημῆναι νεκροὺσ θάπτειν κελεύθου λεωφόρου πρὸσ ἐκτροπάσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Rhesus, episode, antistrophe 1

(에우리피데스, Rhesus, episode, antistrophe 1)

상위

목록

SEARCH

MENU NAVIGATION