Euripides, Phoenissae, episode 5:

Κρέον, τί σιγᾷσ γῆρυν ἄφθογγον σχάσασ; κἀμοὶ γὰρ οὐδὲν ἧσσον ἔκπληξισ πάρα. τί δ’ ἄν τισ εἴποι; δῆλον οἵ γ’ ἐμοὶ λόγοι. ἐγὼ γὰρ οὔποτ’ ἐσ τόδ’ εἶμι συμφορᾶσ, ὥστε σφαγέντα παῖδα προσθεῖναι πόλει. πᾶσιν γὰρ ἀνθρώποισι φιλότεκνοσ βίοσ, οὐδ’ ἂν τὸν αὑτοῦ παῖδά τισ δοίη κτανεῖν. μή μ’ εὐλογείτω τἀμά τισ κτείνων τέκνα. αὐτὸσ δ’ ‐ ἐν ὡραίῳ γὰρ ἕσταμεν βίου ‐ θνῄσκειν ἕτοιμοσ πατρίδοσ ἐκλυτήριον.