Euripides, Phoenissae, episode

(에우리피데스, Phoenissae, episode)

χώρει σὺ καὶ κόμιζε τὸν Μενοικέωσ Κρέοντ’, ἀδελφὸν μητρὸσ Ιὀκάστησ ἐμῆσ, λέγων τάδ’, ὡσ οἰκεῖα καὶ κοινὰ χθονὸσ θέλω πρὸσ αὐτὸν συμβαλεῖν βουλεύματα, πρὶν ἐσ μάχην τε καὶ δορὸσ τάξιν μολεῖν. καίτοι ποδῶν σῶν μόχθον ἐκλύει παρών· ὁρῶ γὰρ αὐτὸν πρὸσ δόμουσ στείχοντ’ ἐμούσ. ἦ πόλλ’ ἐπῆλθον εἰσιδεῖν χρῄζων σ’, ἄναξ Ἐτεόκλεεσ, πέριξ δὲ Καδμείων πύλασ φυλακάσ τ’ ἐπῆλθον σὸν δέμασ θηρώμενοσ. καὶ μὴν ἐγὼ σ’ ἔχρῃζον εἰσιδεῖν, Κρέον· πολλῷ γὰρ ηὑρ͂ον ἐνδεεῖσ διαλλαγάσ ὡσ ἐσ λόγουσ συνῆψα Πολυνείκει μολών. ἤκουσα μεῖζον αὐτὸν ἢ Θήβασ φρονεῖν, κήδει τ’ Ἀδράστου καὶ στρατῷ πεποιθότα. ἀλλ’ ἐσ θεοὺσ χρὴ ταῦτ’ ἀναρτήσαντ’ ἔχειν· ἃ δ’ ἐμποδὼν μάλιστα, ταῦθ’ ἥκω φράσων. τὰ ποῖα ταῦτα; τὸν λόγον γὰρ ἀγνοῶ. ἥκει τισ αἰχμάλωτοσ Ἀργείων πάρα. λέγει δὲ δὴ τί τῶν ἐκεῖ νεώτερον; μέλλειν πέριξ πύργοισι Καδμείων πόλιν ὅπλοισ ἑλίξειν αὐτίκ’ Ἀργείων στρατόν. ἐξοιστέον τἄρ’ ὅπλα Καδμείων πόλει. ποῖ; μῶν νεάζων οὐχ ὁρᾷσ ἃ χρή σ’ ὁρᾶν; ἐκτὸσ τάφρων τῶνδ’, ὡσ μαχουμένουσ τάχα. σμικρὸν τὸ πλῆθοσ τῆσδε γῆσ, οἳ δ’ ἄφθονοι. ἐγᾦδα κείνουσ τοῖσ λόγοισ ὄντασ θρασεῖσ. ἔχει τιν’ ὄγκον τἄργοσ Ἑλλήνων πάρα. θάρσει· τάχ’ αὐτῶν πεδίον ἐμπλήσω φόνου. θέλοιμ’ ἄν· ἀλλὰ τοῦθ’ ὁρῶ πολλοῦ πόνου. ὡσ οὐ καθέξω τειχέων ἔσω στρατόν. καὶ μὴν τὸ νικᾶν ἐστι πᾶν εὐβουλία. βούλῃ τράπωμαι δῆθ’ ὁδοὺσ ἄλλασ τινάσ; πάσασ γε, πρὶν κίνδυνον εἰσ ἅπαξ μολεῖν. εἰ νυκτὸσ αὐτοῖσ προσβάλοιμεν ἐκ λόχου; εἴπερ σφαλείσ γε δεῦρο σωθήσῃ πάλιν. ἴσον φέρει νύξ, τοῖσ δὲ τολμῶσιν πλέον. ἐνδυστυχῆσαι δεινὸν εὐφρόνησ κνέφασ. ἀλλ’ ἀμφὶ δεῖπνον οὖσι προσβάλω δόρυ; ἔκπληξισ ἂν γένοιτο· νικῆσαι δὲ δεῖ. βαθύσ γέ τοι Διρκαῖοσ ἀναχωρεῖν πόροσ. ἅπαν κάκιον τοῦ φυλάσσεσθαι καλῶσ. τί δ’, εἰ καθιππεύσαιμεν Ἀργείων στρατόν; κἀκεῖ πέφρακται λαὸσ ἁρ́μασιν πέριξ. τί δῆτα δράσω; πολεμίοισι δῶ πόλιν; μὴ δῆτα· βουλεύου δ’, ἐπείπερ εἶ σοφόσ. τίσ οὖν πρόνοια γίγνεται σοφωτέρα; ἕπτ’ ἄνδρασ αὐτοῖσ φασιν, ὡσ ἤκουσ’ ἐγώ ‐ τί προστετάχθαι δρᾶν;

τὸ γὰρ σθένοσ βραχύ. λόχων ἀνάσσειν ἑπτὰ προσκεῖσθαι πύλαισ. τί δῆτα δρῶμεν; ἀπορίαν γὰρ οὐ μενῶ. ἕπτ’ ἄνδρασ αὐτοῖσ καὶ σὺ πρὸσ πύλαισ ἑλοῦ. λόχων ἀνάσσειν ἢ μονοστόλου δορόσ; λόχων, προκρίνασ οἵπερ ἀλκιμώτατοι. ξυνῆκ’· ἀμύνειν τειχέων προσαμβάσεισ. καὶ ξυστρατήγουσ <γ’>· εἷσ δ’ ἀνὴρ οὐ πάνθ’ ὁρᾷ. θάρσει προκρίνασ ἢ φρενῶν εὐβουλίᾳ; ἀμφότερον· ἀπολειφθὲν γὰρ οὐδὲν θάτερον. ἔσται τάδ’· ἐλθὼν ἑπτάπυργον ἐσ πόλιν τάξω λοχαγοὺσ πρὸσ πύλαισιν, ὡσ λέγεισ, ἴσουσ ἴσοισι πολεμίοισιν ἀντιθείσ. ὄνομα δ’ ἑκάστου διατριβὴ πολλὴ λέγειν, ἐχθρῶν ὑπ’ αὐτοῖσ τείχεσιν καθημένων. ἀλλ’ εἶμ’, ὅπωσ ἂν μὴ καταργῶμεν χέρα. καί μοι γένοιτ’ ἀδελφὸν ἀντήρη λαβεῖν καὶ ξυσταθέντα διὰ μάχησ ἑλεῖν δορί. κτανεῖν θ’, ὃσ ἦλθε πατρίδα πορθήσων ἐμήν. γάμουσ δ’ ἀδελφῆσ Ἀντιγόνησ παιδόσ τε σοῦ Αἵμονοσ, ἐάν τι τῆσ τύχησ ἐγὼ σφαλῶ, σοὶ χρὴ μέλεσθαι· τὴν δόσιν δ’ ἐχέγγυον τὴν πρόσθε ποιῶ νῦν ἐπ’ ἐξόδοισ ἐμαῖσ. μητρὸσ δ’ ἀδελφὸσ εἶ· τί δεῖ μακρηγορεῖν; τρέφ’ ἀξίωσ νιν σοῦ τε τήν τ’ ἐμὴν χάριν. πατὴρ δ’ ἐσ αὑτὸν ἀμαθίαν ὀφλισκάνει, ὄψιν τυφλώσασ· οὐκ ἄγαν σφ’ ἐπῄνεσα· ἡμᾶσ δ’ ἀραῖσιν, ἢν τύχῃ, κατακτενεῖ. ἓν δ’ ἐστὶν ἡμῖν ἀργόν, εἴ τι θέσφατον οἰωνόμαντισ Τειρεσίασ ἔχει φράσαι, τοῦδ’ ἐκπυθέσθαι ταῦτ’·

ἐγὼ δὲ παῖδα σὸν Μενοικέα, σοῦ πατρὸσ αὐτεπώνυμον, λαβόντα πέμψω δεῦρο Τειρεσίαν, Κρέον· σοὶ μὲν γὰρ ἡδὺσ ἐσ λόγουσ ἀφίξεται, ἐγὼ δὲ τέχνην μαντικὴν ἐμεμψάμην ἤδη πρὸσ αὐτόν, ὥστε μοι μομφὰσ ἔχειν. πόλει δὲ καὶ σοὶ ταῦτ’ ἐπισκήπτω, Κρέον· ἤνπερ κρατήσῃ τἀμά, Πολυνείκουσ νέκυν μήποτε ταφῆναι τῇδε Θηβαίᾳ χθονί, θνῄσκειν δὲ τὸν θάψαντα, κἂν φίλων τισ ᾖ. σοὶ μὲν τάδ’ εἶπον· προσπόλοισ δ’ ἐμοῖσ λέγω· ἐκφέρετε τεύχη πάνοπλά τ’ ἀμφιβλήματα, ὡσ εἰσ ἀγῶνα τὸν προκείμενον δορὸσ ὁρμώμεθ’ ἤδη ξὺν δίκῃ νικηφόρῳ. τῇ δ’ Εὐλαβείᾳ, χρησιμωτάτῃ θεῶν, προσευχόμεσθα τήνδε διασῷσαι πόλιν.

상위

Euripides (에우리피데스)

목록

일치하는 문장이 없습니다.

SEARCH

MENU NAVIGATION