Euripides, Phoenissae, episode 1:

(에우리피데스, Phoenissae, episode 1:)

Ἐτεοκλέουσ μὲν οὕνεκ’ ἂν κλῄσασ στόμα χρησμοὺσ ἐπέσχον· σοὶ δ’, ἐπεὶ χρῄζεισ μαθεῖν, λέξω. νοσεῖ γὰρ ἥδε γῆ πάλαι, Κρέον, ἐξ οὗ ’τεκνώθη Λάιοσ βίᾳ θεῶν πόσιν τ’ ἔφυσε μητρὶ μέλεον Οἰδίπουν· αἵ θ’ αἱματωποὶ δεργμάτων διαφθοραὶ θεῶν σόφισμα κἀπίδειξισ Ἑλλάδι. ἃ συγκαλύψαι παῖδεσ Οἰδίπου χρόνῳ χρῄζοντεσ, ὡσ δὴ θεοὺσ ὑπεκδραμούμενοι, ἥμαρτον ἀμαθῶσ· οὔτε γὰρ γέρα πατρὶ οὔτ’ ἔξοδον διδόντεσ, ἄνδρα δυστυχῆ ἐξηγρίωσαν· ἐκ δ’ ἔπνευσ’ αὐτοῖσ ἀρὰσ δεινάσ, νοσῶν τε καὶ πρὸσ ἠτιμασμένοσ. ἁγὼ τί <οὐ> δρῶν, ποῖα δ’ οὐ λέγων ἔπη ἐσ ἔχθοσ ἦλθον παισὶ τοῖσιν Οἰδίπου; ἐγγὺσ δὲ θάνατοσ αὐτόχειρ αὐτοῖσ, Κρέον· πολλοὶ δὲ νεκροὶ περὶ νεκροῖσ πεπτωκότεσ Ἀργεῖα καὶ Καδμεῖα μείξαντεσ βέλη πικροὺσ γόουσ δώσουσι Θηβαίᾳ χθονί. σύ τ’ ὦ τάλαινα συγκατασκάπτῃ πόλι, εἰ μὴ λόγοισι τοῖσ ἐμοῖσ τὶσ πείσεται. ἐκεῖνο μὲν γὰρ πρῶτον ἦν, τῶν Οἰδίπου μηδένα πολίτην μηδ’ ἄνακτ’ εἶναι χθονόσ, ὡσ δαιμονῶντασ κἀνατρέψοντασ πόλιν. ἐπεὶ δὲ κρεῖσσον τὸ κακόν ἐστι τἀγαθοῦ, μί’ ἔστιν ἄλλη μηχανὴ σωτηρίασ. ἀλλ’ ‐ οὐ γὰρ εἰπεῖν οὔτ’ ἐμοὶ τόδ’ ἀσφαλὲσ πικρόν τε τοῖσι τὴν τύχην κεκτημένοισ πόλει παρασχεῖν φάρμακον σωτηρίασ ‐ ἄπειμι. χαίρεθ’· εἷσ γὰρ ὢν πολλῶν μέτα τὸ μέλλον, εἰ χρή, πείσομαι· τί γὰρ πάθω; ἐπίσχεσ αὐτοῦ, πρέσβυ. μὴ ’πιλαμβάνου. μεῖνον, τί φεύγεισ; ἡ τύχη σ’, ἀλλ’ οὐκ ἐγώ. φράσον πολίταισ καὶ πόλει σωτηρίαν. βούλῃ σὺ μέντοι κοὐχὶ βουλήσῃ τάχα. καὶ πῶσ πατρῴαν γαῖαν οὐ σῷσαι θέλω; θέλεισ ἀκοῦσαι δῆτα καὶ σπουδὴν ἔχεισ; ἐσ γὰρ τί μᾶλλον δεῖ προθυμίαν ἔχειν; κλύοισ ἂν ἤδη τῶν ἐμῶν θεσπισμάτων. πρῶτον δ’ ἐκεῖνο βούλομαι σαφῶσ μαθεῖν, ποῦ ’στιν Μενοικεύσ, ὅσ με δεῦρ’ ἐπήγαγεν; ὅδ’ οὐ μακρὰν ἄπεστι, πλησίον δὲ σοῦ. ἀπελθέτω νυν θεσφάτων ἐμῶν ἑκάσ. ἐμὸσ πεφυκὼσ παῖσ ἃ δεῖ σιγήσεται. βούλῃ παρόντοσ δῆτά σοι τούτου φράσω; κλύων γὰρ ἂν τέρποιτο τῆσ σωτηρίασ.

일치하는 문장이 없습니다.

SEARCH

MENU NAVIGATION