Euripides, episode, iambic 1:

(에우리피데스, episode, iambic 1:)

ἔσται τάδε. ἆ ἆ, μηδαμῶσ δράσῃσ τάδε. σίγα νυν, ἀνέχου δ’ ἐνδίκωσ πράσσων κακῶσ. ἦ γὰρ δίκαιον ζῆν σε; καὶ κρατεῖν γε γῆσ. ποίασ; ἐν Ἄργει τῷδε τῷ Πελασγικῷ. εὖ γοῦν θίγοισ ἂν χερνίβων ‐ τί δὴ γὰρ οὔ; καὶ σφάγια πρὸ δορὸσ καταβάλοισ. σὺ δ’ ἂν καλῶσ; ἁγνὸσ γάρ εἰμι χεῖρασ. ἀλλ’ οὐ τὰσ φρένασ. τίσ δ’ ἂν προσείποι σέ; ὅστισ ἐστὶ φιλοπάτωρ. ὅστισ δὲ τιμᾷ μητέρα; εὐδαίμων ἔφυ. οὔκουν σύ γε. οὐ γὰρ ἁνδάνουσιν αἱ κακαί. ἄπαιρε θυγατρὸσ φάσγανον. ψευδὴσ ἔφυσ. ἀλλὰ κτενεῖσ μου θυγατέρα; οὐ ψευδὴσ ἔτ’ εἶ. οἴμοι, τί δράσω; πεῖθ’ ἐσ Ἀργείουσ μολὼν ‐ πειθὼ τίνα; ἡμᾶσ μὴ θανεῖν· αἰτοῦ πόλιν. ἢ παῖδά μου φονεύσετε; ὧδ’ ἔχει τάδε. ὦ τλῆμον Ἑλένη ‐ τἀμὰ δ’ οὐχὶ τλήμονα; σὲ σφάγιον ἐκόμισ’ ἐκ Φρυγῶν ‐ εἰ γὰρ τόδ’ ἦν. πόνουσ πονήσασ μυρίουσ. πλήν γ’ εἰσ ἐμέ. πέπονθα δεινά. τότε γὰρ ἦσθ’ ἀνωφελήσ. ἔχεισ με. σαυτὸν σύ γ’ ἔλαβεσ κακὸσ γεγώσ. ἀλλ’ εἶ’, ὕφαπτε δώματ’, Ἠλέκτρα, τάδε· σύ τ’, ὦ φίλων μοι τῶν ἐμῶν σαφέστατε, Πυλάδη, κάταιθε γεῖσα τειχέων τάδε. ὦ γαῖα Δαναῶν ἱππίου τ’ Ἄργουσ κτίται, οὐκ εἶ’ ἐνόπλῳ ποδὶ βοηδρομήσετε; πᾶσαν γὰρ ὑμῶν ὅδε βιάζεται πόλιν ζῆν, αἷμα μητρὸσ μυσαρὸν ἐξειργασμένοσ.

일치하는 문장이 없습니다.

SEARCH

MENU NAVIGATION