Euripides, episode, iambic

(에우리피데스, episode, iambic)

ἥκω κλύων τὰ δεινὰ καὶ δραστήρια δισσοῖν λεόντοιν· οὐ γὰρ ἄνδρ’ αὐτὼ καλῶ. ἤκουσα γὰρ δὴ τὴν ἐμὴν ξυνάορον ὡσ οὐ τέθνηκεν, ἀλλ’ ἄφαντοσ οἴχεται ‐ κενὴν ἀκούσασ βάξιν, ἣν φόβῳ σφαλεὶσ ἤγγειλέ μοί τισ. ἀλλὰ τοῦ μητροκτόνου τεχνάσματ’ ἐστὶ ταῦτα καὶ πολὺσ γέλωσ. ἀνοιγέτω τισ δῶμα· προσπόλοισ λέγω ὠθεῖν πύλασ τάσδ’, ὡσ ἂν ἀλλὰ παῖδ’ ἐμὴν ῥυσώμεθ’ ἀνδρῶν ἐκ χερῶν μιαιφόνων, καὶ τὴν τάλαιναν ἀθλίαν δάμαρτ’ ἐμὴν λάβωμεν, ᾗ δεῖ ξυνθανεῖν ἐμῇ χερὶ τοὺσ διολέσαντασ τὴν ἐμὴν ξυνάορον. οὗτοσ σύ, κλῄθρων τῶνδε μὴ ψαύσῃσ χερί· Μενέλαον εἶπον, ὃσ πεπύργωσαι θράσει· ἢ τῷδε θριγκῷ κρᾶτα συνθραύσω σέθεν, ῥήξασ παλαιὰ γεῖσα, τεκτόνων πόνον. μοχλοῖσ δ’ ἄραρε κλῇθρα, σῆσ βοηδρόμου σπουδῆσ ἅ σ’ εἴρξει, μὴ δόμων ἔσω περᾶν. ἐά, τί χρῆμα; λαμπάδων ὁρῶ σέλασ, δόμων δ’ ἐπ’ ἄκρων τούσδε πυργηρουμένουσ, ξίφοσ δ’ ἐμῆσ θυγατρὸσ ἐπίφρουρον δέρῃ. πότερον ἐρωτᾶν ἢ κλύειν ἐμοῦ θέλεισ; οὐδέτερ’· ἀνάγκη δ’, ὡσ ἐοίκε, σου κλύειν. μέλλω κτενεῖν σου θυγατέρ’, εἰ βούλῃ μαθεῖν. Ἑλένην φονεύσασ ἐπὶ φόνῳ πράσσεισ φόνον; εἰ γὰρ κατέσχον μὴ θεῶν κλεφθεὶσ ὕπο. ἀρνῇ κατακτὰσ κἀφ’ ὕβρει λέγεισ τάδε; λυπράν γε τὴν ἄρνησιν· εἰ γὰρ ὤφελον ‐ τί χρῆμα δρᾶσαι; παρακαλεῖσ γὰρ ἐσ φόβον. τὴν Ἑλλάδοσ μιάστορ’ εἰσ Αἵδου βαλεῖν. ἀπόδοσ δάμαρτοσ νέκυν, ὅπωσ χώσω τάφῳ. θεοὺσ ἀπαίτει. παῖδα δὲ κτενῶ σέθεν. ὁ μητροφόντησ ἐπὶ φόνῳ πράσσει φόνον; ὁ πατρὸσ ἀμύντωρ, ὃν σὺ προύδωκασ θανεῖν. οὐκ ἤρκεσέν σοι τὸ παρὸν αἷμα μητέροσ; οὐκ ἂν κάμοιμι τὰσ κακὰσ κτείνων ἀεί. ἦ καὶ σύ, Πυλάδη, τοῦδε κοινωνεῖσ φόνου; φησὶν σιωπῶν· ἀρκέσω δ’ ἐγὼ λέγων. ἀλλ’ οὔτι χαίρων, ἤν γε μὴ φύγῃσ πτεροῖσ. οὐ φευξόμεσθα· πυρὶ δ’ ἀνάψομεν δόμουσ. ἦ γὰρ πατρῷον δῶμα πορθήσεισ τόδε; ὡσ μή γ’ ἔχῃσ σύ, τήνδ’ ἐπισφάξασ πυρί. κτεῖν’· ὡσ κτανών γε τῶνδέ μοι δώσεισ δίκην.

일치하는 문장이 없습니다.

SEARCH

MENU NAVIGATION