Euripides, Iphigenia in Tauris, episode 1:

ἐπεὶ τὸν ἐσρέοντα διὰ Συμπληγάδων βοῦς ὑλοφορβοὺς πόντον εἰσεβάλλομεν, ἦν τις διαρρὼξ κυμάτων πολλῷ σάλῳ κοιλωπὸς ἀγμός, πορφυρευτικαὶ στέγαι.? ἐνταῦθα δισσοὺς εἶδέ τις νεανίας βουφορβὸς ἡμῶν, κἀπεχώρησεν πάλιν ἄκροισι δακτύλοισι πορθμεύων ἴχνος. ἔλεξε δ: Οὐχ ὁρᾶτε· δαίμονές τινες θάσσουσιν οἵδε. - θεοσεβὴς δ ἡμῶν τις ὢν ἀνέσχε χεῖρα καὶ προσηύξατ εἰσιδών: ὦ ποντίας παῖ Λευκοθέας, νεῶν φύλαξ, δέσποτα Παλαῖμον, ἵλεως ἡμῖν γενοῦ, εἴτ οὖν ἐπ ἀκταῖς θάσσετον Διοσκόρω, ἢ Νηρέως ἀγάλμαθ, ὃς τὸν εὐγενῆ ἔτικτε πεντήκοντα Νηρῄδων χορόν.?