Euripides, Iphigenia in Tauris, episode 4:

(에우리피데스, Iphigenia in Tauris, episode 4:)

ὁρ́α, φυλάσσου μή τισ ἐν στίβῳ βροτῶν. ὁρῶ, σκοποῦμαι δ’ ὄμμα πανταχῆ στρέφων. Πυλάδη, δοκεῖ σοι μέλαθρα ταῦτ’ εἶναι θεᾶσ ἔνθ’ Ἀργόθεν ναῦν ποντίαν ἐστείλαμεν; ἔμοιγ’, Ὀρέστα· σοὶ δὲ συνδοκεῖν χρεών. καὶ βωμόσ, Ἕλλην οὗ καταστάζει φόνοσ; ἐξ αἱμάτων γοῦν ξάνθ’ ἔχει τριχώματα. θριγκοῖσ δ’ ὑπ’ αὐτοῖσ σκῦλ’ ὁρᾷσ ἠρτημένα; τῶν κατθανόντων γ’ ἀκροθίνια ξένων. ἀλλ’ ἐγκυκλοῦντ’ ὀφθαλμὸν εὖ σκοπεῖν χρεών. ὦ Φοῖβε, ποῖ μ’ αὖ τήνδ’ ἐσ ἄρκυν ἤγαγεσ χρήσασ, ἐπειδὴ πατρὸσ αἷμ’ ἐτεισάμην, μητέρα κατακτάσ, διαδοχαῖσ δ’ Ἐρινύων ἠλαυνόμεσθα φυγάδεσ ἔξεδροι χθονὸσ δρόμουσ τε πολλοὺσ ἐξέπλησα καμπίμουσ, ἐλθὼν δέ σ’ ἠρώτησα πῶσ τροχηλάτου μανίασ ἂν ἔλθοιμ’ ἐσ τέλοσ πόνων τ’ ἐμῶν, οὓσ ἐξεμόχθουν περιπολῶν καθ’ Ἑλλάδα ‐ σὺ δ’ εἶπασ ἐλθεῖν Ταυρικῆσ μ’ ὁρ́ουσ χθονόσ, ἔνθ’ Ἄρτεμίσ σοι σύγγονοσ βωμοὺσ ἔχοι, λαβεῖν τ’ ἄγαλμα θεᾶσ, ὅ φασιν ἐνθάδε ἐσ τούσδε ναοὺσ οὐρανοῦ πεσεῖν ἄπο· λαβόντα δ’ ἢ τέχναισιν ἢ τύχῃ τινί, κίνδυνον ἐκπλήσαντ’, Ἀθηναίων χθονὶ δοῦναι ‐ τὸ δ’ ἐνθένδ’ οὐδὲν ἐρρήθη πέρα ‐ καὶ ταῦτα δράσαντ’ ἀμπνοὰσ ἕξειν πόνων.

일치하는 문장이 없습니다.

SEARCH

MENU NAVIGATION