Euripides, Iphigenia in Tauris, episode 3:

(에우리피데스, Iphigenia in Tauris, episode 3:)

ἃ καινὰ δ’ ἥκει νὺξ φέρουσα φάσματα, λέξω πρὸσ αἰθέρ’, εἴ τι δὴ τόδ’ ἔστ’ ἄκοσ. ἔδοξ’ ἐν ὕπνῳ τῆσδ’ ἀπαλλαχθεῖσα γῆσ οἰκεῖν ἐν Ἄργει, παρθένοισι δ’ ἐν μέσαισ εὕδειν, χθονὸσ δὲ νῶτα σεισθῆναι σάλῳ, φεύγειν δὲ κἄξω στᾶσα θριγκὸν εἰσιδεῖν δόμων πίτνοντα, πᾶν δ’ ἐρείψιμον στέγοσ βεβλημένον πρὸσ οὖδασ ἐξ ἄκρων σταθμῶν. μόνοσ λελεῖφθαι στῦλοσ εἷσ ἔδοξέ μοι δόμων πατρῴων, ἐκ δ’ ἐπικράνων κόμασ ξανθὰσ καθεῖναι, φθέγμα δ’ ἀνθρώπου λαβεῖν, κἀγὼ τέχνην τήνδ’ ἣν ἔχω ξενοκτόνον τιμῶσ’ ὑδραίνειν αὐτὸν ὡσ θανούμενον, κλαίουσα. τοὔναρ δ’ ὧδε συμβάλλω τόδε· τέθνηκ’ Ὀρέστησ, οὗ κατηρξάμην ἐγώ. στῦλοι γὰρ οἴκων παῖδέσ εἰσιν ἄρσενεσ· θνῄσκουσι δ’ οὓσ ἂν χέρνιβεσ βάλωσ’ ἐμαί. οὐδ’ αὖ συνάψαι τοὔναρ ἐσ φίλουσ ἔχω· Στροφίῳ γὰρ οὐκ ἦν παῖσ, ὅτ’ ὠλλύμην ἐγώ. νῦν οὖν ἀδελφῷ βούλομαι δοῦναι χοὰσ παροῦσ’ ἀπόντι ‐ ταῦτα γὰρ δυναίμεθ’ ἄν ‐ σὺν προσπόλοισιν, ἃσ ἔδωχ’ ἡμῖν ἄναξ Ἑλληνίδασ γυναῖκασ. ἀλλ’ ἐξ αἰτίασ οὔπω τίνοσ πάρεισιν; εἶμ’ ἔσω δόμων ἐν οἷσι ναίω τῶνδ’ ἀνακτόρων θεᾶσ.

일치하는 문장이 없습니다.

SEARCH

MENU NAVIGATION