Euripides, Iphigenia in Tauris, episode 1:

(에우리피데스, Iphigenia in Tauris, episode 1:)

Πέλοψ ὁ Ταντάλειοσ ἐσ Πῖσαν μολὼν θοαῖσιν ἵπποισ Οἰνομάου γαμεῖ κόρην, ἐξ ἧσ Ἀτρεὺσ ἔβλαστεν· Ἀτρέωσ δὲ παῖσ Μενέλαοσ Ἀγαμέμνων τε· τοῦ δ’ ἔφυν ἐγώ τῆσ Τυνδαρείασ θυγατρὸσ Ἰφιγένεια παῖσ, ἣν ἀμφὶ δίναισ ἃσ θάμ’ Εὔριποσ πυκναῖσ αὔραισ ἑλίσσων κυανέαν ἅλα στρέφει, ἔσφαξεν Ἑλένησ οὕνεχ’, ὡσ δοκεῖ, πατὴρ Ἀρτέμιδι κλειναῖσ ἐν πτυχαῖσιν Αὐλίδοσ. ἐνταῦθα γὰρ δὴ χιλίων ναῶν στόλον Ἑλληνικὸν συνήγαγ’ Ἀγαμέμνων ἄναξ, τὸν καλλίνικον στέφανον Ἰλίου θέλων λαβεῖν Ἀχαιοῖσ τούσ θ’ ὑβρισθέντασ γάμουσ Ἑλένησ μετελθεῖν, Μενέλεῳ χάριν φέρων. δεινῆσ δ’ ἀπλοίασ πνευμάτων τε τυγχάνων, ἐσ ἔμπυρ’ ἦλθε, καὶ λέγει Κάλχασ τάδε· ὦ τῆσδ’ ἀνάσσων Ἑλλάδοσ στρατηγίασ, Ἀγάμεμνον, οὐ μὴ ναῦσ ἀφορμίσῃ χθονόσ, πρὶν ἂν κόρην σὴν Ἰφιγένειαν Ἄρτεμισ λάβῃ σφαγεῖσαν· ὅ τι γὰρ ἐνιαυτὸσ τέκοι κάλλιστον, ηὔξω φωσφόρῳ θύσειν θεᾷ. παῖδ’ οὖν ἐν οἴκοισ σὴ Κλυταιμήστρα δάμαρ τίκτει ‐ τὸ καλλιστεῖον εἰσ ἔμ’ ἀναφέρων ‐ ἣν χρή σε θῦσαι. καί μ’ Ὀδυσσέωσ τέχναισ μητρὸσ παρείλοντ’ ἐπὶ γάμοισ Ἀχιλλέωσ. ἐλθοῦσα δ’ Αὐλίδ’ ἡ τάλαιν’ ὑπὲρ πυρᾶσ μεταρσία ληφθεῖσ’ ἐκαινόμην ξίφει· ἀλλ’ ἐξέκλεψεν ἔλαφον ἀντιδοῦσά μου Ἄρτεμισ Ἀχαιοῖσ, διὰ δὲ λαμπρὸν αἰθέρα πέμψασά μ’ ἐσ τήνδ’ ᾤκισεν Ταύρων χθόνα, οὗ γῆσ ἀνάσσει βαρβάροισι βάρβαροσ Θόασ, ὃσ ὠκὺν πόδα τιθεὶσ ἴσον πτεροῖσ ἐσ τοὔνομ’ ἦλθε τόδε ποδωκείασ χάριν. ναοῖσι δ’ ἐν τοῖσδ’ ἱερέαν τίθησί με· ὅθεν νόμοισι τοῖσιν ἥδεται θεὰ Ἄρτεμισ, ἑορτῆσ, τοὔνομ’ ἧσ καλὸν μόνον ‐ τὰ δ’ ἄλλα σιγῶ, τὴν θεὸν φοβουμένη ‐ θύω γὰρ ὄντοσ τοῦ νόμου καὶ πρὶν πόλει, ὃσ ἂν κατέλθῃ τήνδε γῆν Ἕλλην ἀνήρ. κατάρχομαι μέν, σφάγια δ’ ἄλλοισιν μέλει ἄρρητ’ ἔσωθεν τῶνδ’ ἀνακτόρων θεᾶσ.

일치하는 문장이 없습니다.

SEARCH

MENU NAVIGATION