헬라어 문장 검색 - ΕυριπίΙπηιγεν́11́5́1́

(에우리피데스, Iphigenia in Aulis, episode, dialogue 1:)

ἱερεὺσ δὲ φάσγανον λαβὼν ἐπεύξατο, λαιμόν τ’ ἐπεσκοπεῖθ’, ἵνα πλήξειεν ἄν· ἐμοὶ δέ τ’ ἄλγοσ οὐ μικρὸν εἰσῄει φρενί, κἄστην νενευκώσ· θαῦμα δ’ ἦν αἴφνησ ὁρᾶν. πληγῆσ κτύπον γὰρ πᾶσ τισ ᾔσθετ’ ἂν σαφῶσ, τὴν παρθένον δ’ οὐκ εἶδεν οὗ γῆσ εἰσέδυ. βοᾷ δ’ ἱερεύσ, ἅπασ δ’ ἐπήχησε στρατόσ, ἀέλπτον εἰσιδόντεσ ἐκ θεῶν τινοσ φάσμ’, οὗ γε μηδ’ ὁρωμένου πίστισ παρῆν· ἔλαφοσ γὰρ ἀσπαίρουσ’ ἔκειτ’ ἐπὶ χθονὶ ἰδεῖν μεγίστη διαπρεπήσ τε τὴν θέαν, ἧσ αἵματι βωμὸσ ἐραίνετ’ ἄρδην τῆσ θεοῦ. κἀν τῷδε Κάλχασ πῶσ δοκεῖσ χαίρων ἔφη· Ὦ τοῦδ’ Ἀχαιῶν κοίρανοι κοινοῦ στρατοῦ, ὁρᾶτε τήνδε θυσίαν, ἣν ἡ θεὸσ προύθηκε βωμίαν, ἔλαφον ὀρειδρόμον; ταύτην μάλιστα τῆσ κόρησ ἀσπάζεται, ὡσ μὴ μιάνῃ βωμὸν εὐγενεῖ φόνῳ. ἡδέωσ τε τοῦτ’ ἐδέξατο, καὶ πλοῦν οὔριον δίδωσιν ἡμῖν Ἰλίου τ’ ἐπιδρομάσ. πρὸσ ταῦτα πᾶσ τισ θάρσοσ αἶρε ναυβάτησ, χώρει τε πρὸσ ναῦν· ὡσ ἡμέρᾳ τῇδε δεῖ λιπόντασ ἡμᾶσ Αὐλίδοσ κοίλουσ μυχοὺσ Αἴγαιον οἶδμα διαπερᾶν. ἐπεὶ δ’ ἅπαν κατηνθρακώθη θῦμ’ ἐν Ἡφαίστου φλογί, τὰ πρόσφορ’ ηὔξαθ’, ὡσ τύχοι νόστου στρατόσ. πέμπει δ’ Ἀγαμέμνων μ’ ὥστε σοι φράσαι τάδε, λέγειν θ’ ὁποίασ ἐκ θεῶν μοίρασ κυρεῖ καὶ δόξαν ἔσχεν ἄφθιτον καθ’ Ἑλλάδα. ἐγὼ παρὼν δὲ καὶ τὸ πρᾶγμ’ ὁρῶν λέγω· ἡ παῖσ σαφῶσ σοι πρὸσ θεοὺσ ἀφίπτατο. λύπησ δ’ ἀφαίρει καὶ πόσει πάρεσ χόλον· ἀπροσδόκητα δὲ βροτοῖσ τὰ τῶν θεῶν, σώζουσί θ’ οὓσ φιλοῦσιν. ἦμαρ γὰρ τόδε θανοῦσαν εἶδε καὶ βλέπουσαν παῖδα σήν. ὡσ ἥδομαί τοι ταῦτ’ ἀκούσασ’ ἀγγέλου· ζῶν δ’ ἐν θεοῖσι σὸν μένειν φράζει τέκοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Iphigenia in Aulis, episode, dialogue 1:

(에우리피데스, Iphigenia in Aulis, episode, dialogue 1:)

상위

목록

SEARCH

MENU NAVIGATION