Euripides, Iphigenia in Aulis, episode, lyric

ὦ παῖ, θεῶν τοῦ κλέμμα γέγονασ; πῶσ σε προσείπω; πῶσ δ’ οὐ φῶ παραμυθεῖσθαι τούσδε μάτην μύθουσ, ὥσ σου πένθουσ λυγροῦ παυσαίμαν; καὶ μὴν Ἀγαμέμνων ἄναξ στείχει, τούσδ’ αὐτοὺσ ἔχων σοι φράζειν μύθουσ. γύναι, θυγατρὸσ ἕνεκ’ ὄλβιοι γενοίμεθ’ ἄν· ἔχει γὰρ ὄντωσ ἐν θεοῖσ ὁμιλίαν. χρὴ δέ σε λαβοῦσαν τόνδε μόσχον νεαγενῆ στείχειν πρὸσ οἴκουσ· ὡσ στρατὸσ πρὸσ πλοῦν ὁρᾷ. καὶ χαῖρε· χρόνια γε τἀμά σοι προσφθέγματα Τροίηθεν ἔσται. καὶ γένοιτό σοι καλῶσ. χαίρων, Ἀτρείδη, γῆν ἱκοῦ Φρυγίαν, χαίρων δ’ ἐπάνηκε, κάλλιστά μοι σκῦλ’ ἀπὸ Τροίασ ἑλών.