Euripides, Iphigenia in Aulis, episode, dialogue 1:

(에우리피데스, Iphigenia in Aulis, episode, dialogue 1:)

μῆτερ, τί σιγῇ δακρύοισ τέγγεισ κόρασ; ἔχω τάλαινα πρόφασιν ὥστ’ ἀλγεῖν φρένα. παῦσαι· ’μὲ μὴ κάκιζε· τάδε δέ μοι πιθοῦ. λέγ’· ὡσ παρ’ ἡμῶν οὐδὲν ἀδικήσῃ, τέκνον. μήτ’ οὖν γε τὸν σὸν πλόκαμον ἐκτέμῃσ τριχόσ, μήτ’ ἀμφὶ σῶμα μέλανασ ἀμπίσχῃ πέπλουσ. τί δὴ τόδ’ εἶπασ, τέκνον; ἀπολέσασά σε; οὐ σύ γε· σέσῳσμαι, κατ’ ἐμὲ δ’ εὐκλεὴσ ἔσῃ. πῶσ εἶπασ; οὐ πενθεῖν με σὴν ψυχὴν χρεών; ἥκιστ’, ἐπεί μοι τύμβοσ οὐ χωσθήσεται. τί δαί; τὸ θνῄσκειν, οὐ τάφοσ, νομίζεται. βωμὸσ θεᾶσ μοι μνῆμα τῆσ Διὸσ κόρησ. ἀλλ’, ὦ τέκνον, σοὶ πείσομαι· λέγεισ γὰρ εὖ. ὡσ εὐτυχοῦσά γ’ Ἑλλάδοσ τ’ εὐεργέτισ. τί δὴ κασιγνήταισιν ἀγγελῶ σέθεν; μηδ’ ἀμφὶ κείναισ μέλανασ ἐξάψῃ πέπλουσ. εἴπω δὲ παρὰ σοῦ φίλον ἔποσ τι παρθένοισ; χαίρειν γε. Ὀρέστην τ’ ἔκτρεφ’ ἄνδρα τόνδε μοι. προσέλκυσαί νιν ὕστατον θεωμένη. ὦ φίλτατ’, ἐπεκούρησασ ὅσον εἶχεσ φίλοισ. ἔσθ’ ὅ τι κατ’ Ἄργοσ δρῶσά σοι χάριν φέρω; πατέρα τὸν ἀμὸν μὴ στύγει, πόσιν γε σόν. δεινοὺσ ἀγῶνασ διὰ σὲ δεῖ κεῖνον δραμεῖν. ἄκων μ’ ὑπὲρ γῆσ Ἑλλάδοσ διώλεσεν. δόλῳ δ’, ἀγεννῶσ Ἀτρέωσ τ’ οὐκ ἀξίωσ. τίσ μ’ εἶσιν ἄξων πρὶν σπαράσσεσθαι κόμησ; ἐγώ, μετά γε σοῦ. . . μὴ σύ γ’· οὐ καλῶσ λέγεισ. πέπλων ἐχομένη σῶν. ἐμοί, μῆτερ, πιθοῦ· μέν’· ὡσ ἐμοί τε σοί τε κάλλιον τόδε. πατρὸσ δ’ ὀπαδῶν τῶνδέ τίσ με πεμπέτω Ἀρτέμιδοσ ἐσ λειμῶν’, ὅπου σφαγήσομαι. ὦ τέκνον, οἴχῃ; καὶ πάλιν γ’ οὐ μὴ μόλω. λιποῦσα μητέρα; ὡσ ὁρᾷσ γ’, οὐκ ἀξίωσ. σχέσ, μή με προλίπῃσ. οὐκ ἐῶ στάζειν δάκρυ. ὑμεῖσ δ’ ἐπευφημήσατ’, ὦ νεάνιδεσ, παιᾶνα τἠμῇ συμφορᾷ Διὸσ κόρην Ἄρτεμιν· ἴτω δὲ Δαναί̈δαισ εὐφημία. κανᾶ δ’ ἐναρχέσθω τισ, αἰθέσθω δὲ πῦρ προχύταισ καθαρσίοισι, καὶ πατὴρ ἐμὸσ ἐνδεξιούσθω βωμόν· ὡσ σωτηρίαν Ἕλλησι δώσουσ’ ἔρχομαι νικηφόρον.

일치하는 문장이 없습니다.

SEARCH

MENU NAVIGATION