Euripides, Iphigenia in Aulis, episode, dialogue

(에우리피데스, Iphigenia in Aulis, episode, dialogue)

τὸ μὲν σόν, ὦ νεᾶνι, γενναίωσ ἔχει· τὸ τῆσ τύχησ δὲ καὶ τὸ τῆσ θεοῦ νοσεῖ. Ἀγαμέμνονοσ παῖ, μακάριόν μέ τισ θεῶν ἔμελλε θήσειν, εἰ τύχοιμι σῶν γάμων. ζηλῶ δὲ σοῦ μὲν Ἑλλάδ’, Ἑλλάδοσ δὲ σέ. εὖ γὰρ τόδ’ εἶπασ ἀξίωσ τε πατρίδοσ· τὸ θεομαχεῖν γὰρ ἀπολιποῦσ’, ὅ σου κρατεῖ, ἐξελογίσω τὰ χρηστὰ τἀναγκαῖά τε. μᾶλλον δὲ λέκτρων σῶν πόθοσ μ’ ἐσέρχεται ἐσ τὴν φύσιν βλέψαντα· γενναία γὰρ εἶ. ὁρ́α δ’· ἐγὼ γὰρ βούλομαί σ’ εὐεργετεῖν λαβεῖν τ’ ἐσ οἴκουσ· ἄχθομαί τ’, ἴστω Θέτισ, εἰ μή σε σώσω Δαναί̈δαισι διὰ μάχησ ἐλθών. ἄθρησον· ὁ θάνατοσ δεινὸν κακόν. λέγω τάδ’ οὐδὲν οὐδέν’ εὐλαβουμένη. ἡ Τυνδαρὶσ παῖσ διὰ τὸ σῶμ’ ἀρκεῖ μάχασ ἀνδρῶν τιθεῖσα καὶ φόνουσ· σὺ δ’, ὦ ξένε, μὴ θνῇσκε δι’ ἐμὲ μηδ’ ἀποκτείνῃσ τινά, ἐά δὲ σῷσαί μ’ Ἑλλάδ’, ἢν δυνώμεθα. ὦ λῆμ’ ἄριστον, οὐκ ἔχω πρὸσ τοῦτ’ ἔτι λέγειν, ἐπεί σοι τάδε δοκεῖ· γενναῖα γὰρ φρονεῖσ· τί γὰρ τἀληθὲσ οὐκ εἴποι τισ ἄν; ὅμωσ δ’, ἴσωσ γὰρ κἂν μεταγνοίησ τάδε, ὡσ οὖν ἂν εἰδῇσ τἀπ’ ἐμοῦ λελεγμένα, ἐλθὼν τάδ’ ὅπλα θήσομαι βωμοῦ πέλασ, ὡσ οὐκ ἐάσων σ’ ἀλλὰ κωλύσων θανεῖν. χρήσῃ δὲ καὶ σὺ τοῖσ ἐμοῖσ λόγοισ τάχα, ὅταν πέλασ σῆσ φάσγανον δέρησ ἴδῃσ. οὔκουν ἐάσω σ’ ἀφροσύνῃ τῇ σῇ θανεῖν· ἐλθὼν δὲ σὺν ὅπλοισ τοῖσδε πρὸσ ναὸν θεᾶσ καραδοκήσω σὴν ἐκεῖ παρουσίαν.

일치하는 문장이 없습니다.

SEARCH

MENU NAVIGATION