헬라어 문장 검색 - ΕυριπίΙπηιγεν́11́1́

(에우리피데스, Iphigenia in Aulis, episode, trochees)

ὦ τεκοῦσα μῆτερ, ἀνδρῶν ὄχλον εἰσορῶ πέλασ. τόν τε τῆσ θεᾶσ παῖδα, τέκνον, ᾧ <σὺ> δεῦρ’ ἐλήλυθασ. διαχαλᾶτέ μοι μέλαθρα, δμῶεσ, ὡσ κρύψω δέμασ. τί δὲ τέκνον, φεύγεισ; Ἀχιλλέα τόνδ’ ἰδεῖν αἰσχύνομαι. ὡσ τί δή; τὸ δυστυχέσ μοι τῶν γάμων αἰδῶ φέρει. οὐκ ἐν ἁβρότητι κεῖσαι πρὸσ τὰ νῦν πεπτωκότα. ἀλλὰ μίμν’· οὐ σεμνότητοσ ἔργον, ἢν ὀνώμεθα. ὦ γύναι τάλαινα, Λήδασ θύγατερ . . . οὐ ψευδῆ θροεῖσ. δείν’ ἐν Ἀργείοισ βοᾶται . . . τίνα βοήν; σήμαινέ μοι. ἀμφὶ σῆσ παιδόσ . . . πονηρὸν εἶπασ οἰωνὸν λόγον. ὡσ χρεὼν σφάξαι νιν. οὐδεὶσ <τοῖσδ’> ἐναντίον λέγει; ἐσ θόρυβον ἐγώ τι καὐτὸσ ἤλυθον . . . τίν’, ὦ ξένε; σῶμα λευσθῆναι πέτροισι. μῶν κόρην σῴζων ἐμήν; αὐτὸ τοῦτο. τίσ δ’ ἂν ἔτλη τοῦ σώματοσ τοῦ σοῦ θιγεῖν; πάντεσ Ἕλληνεσ. στρατὸσ δὲ Μυρμιδὼν οὔ σοι παρῆν; πρῶτοσ ἦν ἐκεῖνοσ ἐχθρόσ. δι’ ἄρ’ ὀλώλαμεν, τέκνον. οἵ με τὸν γάμων ἀπεκάλουν ἥσσονα. ἀπεκρίνω δὲ τί; τὴν ἐμὴν μέλλουσαν εὐνὴν μὴ κτανεῖν . . . δίκαια γάρ. ἣν ἐφήμισεν πατήρ μοι. καὶ Ἀργόθεν γ’ ἐπέμψατο. ἀλλ’ ἐνικώμην κεκραγμοῦ. τὸ πολὺ γὰρ δεινὸν κακόν. ἀλλ’ ὅμωσ ἀρήξομέν σοι. καὶ μαχῇ πολλοῖσιν εἷσ; εἰσορᾷσ τεύχη φέροντασ τούσδε; ὄναιο τῶν φρενῶν. ἀλλ’ ὀνησόμεσθα. παῖσ ἄρ’ οὐκέτι σφαγήσεται; οὔκ, ἐμοῦ γ’ ἑκόντοσ. ἥξει δ’ ὅστισ ἅψεται κόρησ; μυρίοι γ’, ἄξει δ’ Ὀδυσσεύσ. ἆρ’ ὁ Σισύφου γόνοσ; αὐτὸσ οὗτοσ. ἴδια πράσσων, ἢ στρατοῦ ταχθεὶσ ὕπο; αἱρεθεὶσ ἑκών. πονηράν γ’ αἱρ́εσιν, μιαιφονεῖν. ἀλλ’ ἐγὼ σχήσω νιν. ἄξει δ’ οὐχ ἑκοῦσαν ἁρπάσασ; δηλαδὴ ξανθῆσ ἐθείρασ. ἐμὲ δὲ δρᾶν τί χρὴ τότε; ἀντέχου θυγατρόσ. ὡσ τοῦδ’ εἵνεκ’ οὐ σφαγήσεται. ἀλλὰ μὴν ἐσ τοῦτό γ’ ἥξει. μῆτερ, εἰσακούσατε τῶν ἐμῶν λόγων· μάτην γάρ σ’ εἰσορῶ θυμουμένην σῷ πόσει· τὰ δ’ ἀδύναθ’ ἡμῖν καρτερεῖν οὐ ῥᾴδιον. τὸν μὲν οὖν ξένον δίκαιον αἰνέσαι προθυμίασ· ἀλλὰ καὶ σὲ τοῦθ’ ὁρᾶν χρή, μὴ διαβληθῇ στρατῷ, καὶ πλέον πράξωμεν οὐδέν, ὅδε δὲ συμφορᾶσ τύχῃ. οἱᾶ δ’ εἰσῆλθέν μ’, ἄκουσον, μῆτερ, ἐννοουμένην· κατθανεῖν μέν μοι δέδοκται· τοῦτο δ’ αὐτὸ βούλομαι εὐκλεῶσ πρᾶξαι, παρεῖσά γ’ ἐκποδὼν τὸ δυσγενέσ. δεῦρο δὴ σκέψαι μεθ’ ἡμῶν, μῆτερ, ὡσ καλῶσ λέγω· εἰσ ἔμ’ Ἑλλὰσ ἡ μεγίστη πᾶσα νῦν ἀποβλέπει, κἀν ἐμοὶ πορθμόσ τε ναῶν καὶ Φρυγῶν κατασκαφαὶ τάσ τε μελλούσασ γυναῖκασ, ἤν τι δρῶσι βάρβαροι, μηκέθ’ ἁρπάζειν ἐᾶν τούσδ’ ὀλβίασ ἐξ Ἑλλάδοσ, τὸν Ἑλένησ τείσαντασ ὄλεθρον, ἣν <ἀν>ήρπασεν Πάρισ. ταῦτα πάντα κατθανοῦσα ῥύσομαι, καί μου κλέοσ, Ἑλλάδ’ ὡσ ἠλευθέρωσα, μακάριον γενήσεται. καὶ γὰρ οὐδέ τοί τι λίαν ἐμὲ φιλοψυχεῖν χρεών· πᾶσι γάρ μ’ Ἕλλησι κοινὸν ἔτεκεσ, οὐχὶ σοὶ μόνῃ. ἀλλὰ μυρίοι μὲν ἄνδρεσ ἀσπίσιν πεφραγμένοι, μυρίοι δ’ ἐρέτμ’ ἔχοντεσ, πατρίδοσ ἠδικημένησ, δρᾶν τι τολμήσουσιν ἐχθροὺσ χὑπὲρ Ἑλλάδοσ θανεῖν, ἡ δ’ ἐμὴ ψυχὴ μί’ οὖσα πάντα κωλύσει τάδε; τί τὸ δίκαιον τοῦτό γε; ἆρ’ ἔχοιμ’ ἂν ἀντειπεῖν ἔποσ; κἀπ’ ἐκεῖν’ ἔλθωμεν· οὐ δεῖ τόνδε διὰ μάχησ μολεῖν πᾶσιν Ἀργείοισ γυναικὸσ εἵνεκ’ οὐδὲ κατθανεῖν. εἷσ γ’ ἀνὴρ κρείσσων γυναικῶν μυρίων ὁρᾶν φάοσ. εἰ βεβούληται δὲ σῶμα τοὐμὸν Ἄρτεμισ λαβεῖν, ἐμποδὼν γενήσομαι ’γὼ θνητὸσ οὖσα τῇ θεῷ; ἀλλ’ ἀμήχανον· δίδωμι σῶμα τοὐμὸν Ἑλλάδι. θύετ’, ἐκπορθεῖτε Τροίαν. ταῦτα γὰρ μνημεῖά μου διὰ μακροῦ, καὶ παῖδεσ οὗτοι καὶ γάμοι καὶ δόξ’ ἐμή. βαρβάρων δ’ Ἕλληνασ ἄρχειν εἰκόσ, ἀλλ’ οὐ βαρβάρουσ, μῆτερ, Ἑλλήνων· τὸ μὲν γὰρ δοῦλον, οἳ δ’ ἐλεύθεροι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Iphigenia in Aulis, episode, trochees

(에우리피데스, Iphigenia in Aulis, episode, trochees)

상위

목록

SEARCH

MENU NAVIGATION