헬라어 문장 검색 - ΕυριπίΙπηιγεν́07́1́0́

(에우리피데스, Iphigenia in Aulis, episode, trochees)

ὦ ξέν’, Αἰακοῦ γένεθλον, μεῖνον· ὦ, σέ τοι λέγω, τὸν θεᾶσ γεγῶτα παῖδα, καὶ σέ, τὴν Λήδασ κόρην. τίσ ὁ καλῶν πύλασ παροίξασ; ὡσ τεταρβηκὼσ καλεῖ. δοῦλοσ, οὐχ ἁβρύνομαι τῷδ’· ἡ τύχη γὰρ οὐκ ἐᾷ. τίνοσ; ἐμὸσ μὲν οὐχί· χωρὶσ τἀμὰ καὶ Ἀγαμέμνονοσ. τῆσδε τῆσ πάροιθεν οἴκων, Τυνδάρεω δόντοσ πατρόσ. ἕσταμεν· φράζ’, εἴ τι χρῄζεισ, ὧν μ’ ἐπέσχεσ οὕνεκα. ἦ μόνω παρόντε δῆτα ταῖσδ’ ἐφέστατον πύλαισ; ὡσ μόνοιν λέγοισ ἄν, ἔξω δ’ ἐλθὲ βασιλείων δόμων. ὦ Τύχη πρόνοιά θ’ ἡμή, σῴσαθ’ οὓσ ἐγὼ θέλω. ὁ λόγοσ ἐσ μέλλοντ’ ἂν ὤση χρόνον· ἔχει δ’ ὄγκον τινά. δεξιᾶσ ἕκατι μὴ μέλλ’, εἴ τί μοι χρῄζεισ λέγειν. οἶσθα δῆτ’ ἔμ’, ὅστισ ὢν σοὶ καὶ τέκνοισ εὔνουσ ἔφυν; οἶδά σ’ ὄντ’ ἐγὼ παλαιὸν δωμάτων ἐμῶν λάτριν. χὥτι μ’ ἐν ταῖσ σαῖσι φερναῖσ ἔλαβεν Ἀγαμέμνων ἄναξ; ἦλθεσ εἰσ Ἄργοσ μεθ’ ἡμῶν καὶ ἐμὸσ ἦσθ’ ἀεί ποτε. ὧδ’ ἔχει. καὶ σοὶ μὲν εὔνουσ εἰμί, σῷ δ’ ἧσσον πόσει. ἐκκάλυπτε νῦν ποθ’ ἡμῖν οὕστινασ λέγεισ λόγουσ. παῖδα σὴν πατὴρ ὁ φύσασ αὐτόχειρ μέλλει κτενεῖν. πῶσ; ἀπέπτυσ’, ὦ γεραιέ, μῦθον· οὐ γὰρ εὖ φρονεῖσ. φασγάνῳ λευκὴν φονεύων τῆσ ταλαιπώρου δέρην. ὦ τάλαιν’ ἐγώ. μεμηνὼσ ἆρα τυγχάνει πόσισ; ἀρτίφρων, πλὴν ἐσ σὲ καὶ σὴν παῖδα· τοῦτο δ’ οὐ φρονεῖ. ἐκ τίνοσ λόγου; τίσ αὐτὸν οὑπάγων ἀλαστόρων; θέσφαθ’, ὥσ γέ φησι Κάλχασ, ἵνα πορεύηται στρατόσ. ποῖ; τάλαιν’ ἐγώ, τάλαινα δ’ ἣν πατὴρ μέλλει κτενεῖν. Δαρδάνου πρὸσ δώμαθ’, Ἑλένην Μενέλεωσ ὅπωσ λάβῃ. εἰσ ἄρ’ Ἰφιγένειαν Ἑλένησ νόστοσ ἦν πεπρωμένοσ; πάντ’ ἔχεισ· Ἀρτέμιδι θύσειν παῖδα σὴν μέλλει πατήρ. ὁ δὲ γάμοσ τίν’ εἶχε πρόφασιν, ᾧ μ’ ἐκόμισεν ἐκ δόμων; ἵν’ ἀγάγοισ χαίρουσ’ Ἀχιλλεῖ παῖδα νυμφεύσουσα σήν. ὦ θύγατερ, ἥκεισ ἐπ’ ὀλέθρῳ καὶ σὺ καὶ μήτηρ σέθεν. οἰκτρὰ πάσχετον δύ’ οὖσαι· δεινὰ δ’ Ἀγαμέμνων ἔτλη. οἴχομαι τάλαινα, δακρύων τ’ ὄμματ’ οὐκέτι στέγω. εἴπερ ἀλγεινὸν τὸ τέκνων στερόμενον, δακρυρρόει. σὺ δὲ τάδ’, ὦ γέρον, πόθεν φῂσ εἰδέναι πεπυσμένοσ; δέλτον ᾠχόμην φέρων σοι πρὸσ τὰ πρὶν γεγραμμένα. οὐκ ἐῶν ἢ ξυγκελεύων παῖδ’ ἄγειν θανουμένην; μὴ μὲν οὖν ἄγειν· φρονῶν γὰρ ἔτυχε σὸσ πόσισ τότ’ εὖ. κᾆτα πῶσ φέρων γε δέλτον οὐκ ἐμοὶ δίδωσ λαβεῖν; Μενέλεωσ ἀφείλεθ’ ἡμᾶσ, ὃσ κακῶν τῶνδ’ αἴτιοσ. ὦ τέκνον Νηρῇδοσ, ὦ παῖ Πηλέωσ, κλύεισ τάδε; ἔκλυον οὖσαν ἀθλίαν σε, τὸ δ’ ἐμὸν οὐ φαύλωσ φέρω. παῖδά μου κατακτενοῦσι σοῖσ δολώσαντεσ γάμοισ. μέμφομαι κἀγὼ πόσει σῷ, κοὐχ ἁπλῶσ οὕτω φέρω.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Iphigenia in Aulis, episode, trochees

(에우리피데스, Iphigenia in Aulis, episode, trochees)

상위

목록

SEARCH

MENU NAVIGATION