Euripides, Iphigenia in Aulis, episode 1:

(에우리피데스, Iphigenia in Aulis, episode 1:)

μεῖνον ‐ τί φεύγεισ; ‐ δεξιάν τ’ ἐμῇ χερὶ σύναψον, ἀρχὴν μακαρίαν νυμφευμάτων. τί φῄσ; ἐγώ σοι δεξιάν; αἰδοίμεθ’ ἂν Ἀγαμέμνον’, εἰ ψαύοιμεν ὧν μή μοι θέμισ. θέμισ μάλιστα, τὴν ἐμὴν ἐπεὶ γαμεῖσ παῖδ’, ὦ θεᾶσ παῖ ποντίασ Νηρηίδοσ. ποίουσ γάμουσ φῄσ; ἀφασία μ’ ἔχει, γύναι· εἰ μή τι παρανοοῦσα καινουργεῖσ λόγον; πᾶσιν τόδ’ ἐμπέφυκεν, αἰδεῖσθαι φίλουσ καινοὺσ ὁρῶσι καὶ γάμου μεμνημένοισ. οὐπώποτ’ ἐμνήστευσα παῖδα σήν, γύναι, οὐδ’ ἐξ Ἀτρειδῶν ἦλθέ μοι λόγοσ γάμων. τί δῆτ’ ἂν εἰή; σὺ πάλιν αὖ λόγουσ ἐμοὺσ θαύμαζ’· ἐμοὶ γὰρ θαύματ’ ἐστὶ τὰ παρὰ σοῦ. εἴκαζε· κοινόν ἐστιν εἰκάζειν τάδε· ἄμφω γὰρ οὐ ψευδόμεθα τοῖσ λόγοισ ἴσωσ. ἀλλ’ ἦ πέπονθα δεινά; μνηστεύω γάμουσ οὐκ ὄντασ, ὡσ εἴξασιν· αἰδοῦμαι τάδε. ἴσωσ ἐκερτόμησε κἀμὲ καὶ σέ τισ. ἀλλ’ ἀμελίᾳ δὸσ αὐτὰ καὶ φαύλωσ φέρε. χαῖρ’· οὐ γὰρ ὀρθοῖσ ὄμμασίν σ’ ἔτ’ εἰσορῶ, ψευδὴσ γενομένη καὶ παθοῦσ’ ἀνάξια. καὶ σοὶ τόδ’ ἐστὶν ἐξ ἐμοῦ· πόσιν δὲ σὸν στείχω ματεύσων τῶνδε δωμάτων ἔσω.

일치하는 문장이 없습니다.

SEARCH

MENU NAVIGATION