Euripides, Ion, episode, iambic

(에우리피데스, Ion, episode, iambic)

κοιναὶ μὲν ἡμῖν δωμάτων εὐπραξίαι· ὅμωσ δὲ καὶ δέσποιναν ἐσ τέκν’ εὐτυχεῖν ἐβουλόμην ἂν τούσ τ’ Ἐρεχθέωσ δόμουσ. ὦ τέκνον, ἐσ μὲν σὴν ἀνεύρεσιν θεὸσ ὀρθῶσ ἔκρανε, καὶ συνῆψ’ ἐμοί τε σέ, σύ τ’ αὖ τὰ φίλταθ’ ηὑρ͂εσ οὐκ εἰδὼσ πάροσ. ὃ δ’ ᾖξασ ὀρθῶσ, τοῦτο κἄμ’ ἔχει πόθοσ, ὅπωσ σύ τ’, ὦ παῖ, μητέρ’ εὑρήσεισ σέθεν, ἐγώ θ’ ὁποίασ μοι γυναικὸσ ἐξέφυσ. χρόνῳ δὲ δόντεσ ταῦτ’ ἴσωσ εὑρ́οιμεν ἄν. ἀλλ’ ἐκλιπὼν θεοῦ δάπεδ’ ἀλητείαν τε σὴν ἐσ τὰσ Ἀθήνασ στεῖχε κοινόφρων πατρί, οὗ σ’ ὄλβιον μὲν σκῆπτρον ἀναμένει πατρόσ, πολὺσ δὲ πλοῦτοσ· οὐδὲ θάτερον νοσῶν δυοῖν κεκλήσῃ δυσγενὴσ πένησ θ’ ἅμα, ἀλλ’ εὐγενήσ τε καὶ πολυκτήμων βίου. σιγᾷσ; τί πρὸσ γῆν ὄμμα σὸν βαλὼν ἔχεισ; ἐσ φροντίδασ δ’ ἀπῆλθεσ, ἐκ δὲ χαρμονῆσ πάλιν μεταστὰσ δεῖμα προσβάλλεισ πατρί. οὐ ταὐτὸν εἶδοσ φαίνεται τῶν πραγμάτων πρόσωθεν ὄντων ἐγγύθεν θ’ ὁρωμένων. ἐγὼ δὲ τὴν μὲν συμφορὰν ἀσπάζομαι, πατέρα σ’ ἀνευρών· ὧν δὲ γιγνώσκω, πάτερ, ἄκουσον. εἶναί φασι τὰσ αὐτόχθονασ κλεινὰσ Ἀθήνασ οὐκ ἐπείσακτον γένοσ, ἵν’ ἐσπεσοῦμαι δύο νόσω κεκτημένοσ, πατρόσ τ’ ἐπακτοῦ καὐτὸσ ὢν νοθαγενήσ. καὶ τοῦτ’ ἔχων τοὔνειδοσ, ἀσθενὴσ μὲν ὤν ‐ μηδὲν καὶ οὐδὲν ὢν κεκλήσομαι· ἢν δ’ ἐσ τὸ πρῶτον πόλεοσ ὁρμηθεὶσ ζυγὸν ζητῶ τισ εἶναι, τῶν μὲν ἀδυνάτων ὕπο μισησόμεσθα· λυπρὰ γὰρ τὰ κρείσσονα· ὅσοι δέ, χρηστοὶ δυνάμενοί τ’ εἶναι σοφοί, σιγῶσι κοὐ σπεύδουσιν ἐσ τὰ πράγματα, γέλωτ’ ἐν αὐτοῖσ μωρίαν τε λήψομαι οὐχ ἡσυχάζων ἐν πόλει φόβου πλέᾳ. τῶν δ’ αὖ λογίων τε χρωμένων τε τῇ πόλει ἐσ ἀξίωμα βὰσ πλέον φρουρήσομαι ψήφοισιν. οὕτω γὰρ τάδ’, ὦ πάτερ, φιλεῖ· οἳ τὰσ πόλεισ ἔχουσι κἀξιώματα, τοῖσ ἀνθαμίλλοισ εἰσὶ πολεμιώτατοι.

상위

Ion

목록

일치하는 문장이 없습니다.

SEARCH

MENU NAVIGATION