헬라어 문장 검색 - ΕυριπίΙον́5́2́0́

(에우리피데스, Ion, episode, iambic)

κοιναὶ μὲν ἡμῖν δωμάτων εὐπραξίαι· ὅμωσ δὲ καὶ δέσποιναν ἐσ τέκν’ εὐτυχεῖν ἐβουλόμην ἂν τούσ τ’ Ἐρεχθέωσ δόμουσ. ὦ τέκνον, ἐσ μὲν σὴν ἀνεύρεσιν θεὸσ ὀρθῶσ ἔκρανε, καὶ συνῆψ’ ἐμοί τε σέ, σύ τ’ αὖ τὰ φίλταθ’ ηὑρ͂εσ οὐκ εἰδὼσ πάροσ. ὃ δ’ ᾖξασ ὀρθῶσ, τοῦτο κἄμ’ ἔχει πόθοσ, ὅπωσ σύ τ’, ὦ παῖ, μητέρ’ εὑρήσεισ σέθεν, ἐγώ θ’ ὁποίασ μοι γυναικὸσ ἐξέφυσ. χρόνῳ δὲ δόντεσ ταῦτ’ ἴσωσ εὑρ́οιμεν ἄν. ἀλλ’ ἐκλιπὼν θεοῦ δάπεδ’ ἀλητείαν τε σὴν ἐσ τὰσ Ἀθήνασ στεῖχε κοινόφρων πατρί, οὗ σ’ ὄλβιον μὲν σκῆπτρον ἀναμένει πατρόσ, πολὺσ δὲ πλοῦτοσ· οὐδὲ θάτερον νοσῶν δυοῖν κεκλήσῃ δυσγενὴσ πένησ θ’ ἅμα, ἀλλ’ εὐγενήσ τε καὶ πολυκτήμων βίου. σιγᾷσ; τί πρὸσ γῆν ὄμμα σὸν βαλὼν ἔχεισ; ἐσ φροντίδασ δ’ ἀπῆλθεσ, ἐκ δὲ χαρμονῆσ πάλιν μεταστὰσ δεῖμα προσβάλλεισ πατρί. οὐ ταὐτὸν εἶδοσ φαίνεται τῶν πραγμάτων πρόσωθεν ὄντων ἐγγύθεν θ’ ὁρωμένων. ἐγὼ δὲ τὴν μὲν συμφορὰν ἀσπάζομαι, πατέρα σ’ ἀνευρών· ὧν δὲ γιγνώσκω, πάτερ, ἄκουσον. εἶναί φασι τὰσ αὐτόχθονασ κλεινὰσ Ἀθήνασ οὐκ ἐπείσακτον γένοσ, ἵν’ ἐσπεσοῦμαι δύο νόσω κεκτημένοσ, πατρόσ τ’ ἐπακτοῦ καὐτὸσ ὢν νοθαγενήσ. καὶ τοῦτ’ ἔχων τοὔνειδοσ, ἀσθενὴσ μὲν ὤν ‐ μηδὲν καὶ οὐδὲν ὢν κεκλήσομαι· ἢν δ’ ἐσ τὸ πρῶτον πόλεοσ ὁρμηθεὶσ ζυγὸν ζητῶ τισ εἶναι, τῶν μὲν ἀδυνάτων ὕπο μισησόμεσθα· λυπρὰ γὰρ τὰ κρείσσονα· ὅσοι δέ, χρηστοὶ δυνάμενοί τ’ εἶναι σοφοί, σιγῶσι κοὐ σπεύδουσιν ἐσ τὰ πράγματα, γέλωτ’ ἐν αὐτοῖσ μωρίαν τε λήψομαι οὐχ ἡσυχάζων ἐν πόλει φόβου πλέᾳ. τῶν δ’ αὖ λογίων τε χρωμένων τε τῇ πόλει ἐσ ἀξίωμα βὰσ πλέον φρουρήσομαι ψήφοισιν. οὕτω γὰρ τάδ’, ὦ πάτερ, φιλεῖ· οἳ τὰσ πόλεισ ἔχουσι κἀξιώματα, τοῖσ ἀνθαμίλλοισ εἰσὶ πολεμιώτατοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Ion, episode, iambic

(에우리피데스, Ion, episode, iambic)

상위

목록

SEARCH

MENU NAVIGATION