Euripides, Ion, episode 5:

(에우리피데스, Ion, episode 5:)

πρῶτον μὲν ὁ θεὸσ τῶν ἐμῶν προσφθεγμάτων λαβὼν ἀπαρχὰσ χαιρέτω, σύ τ’, ὦ γύναι. μῶν χρόνιοσ ἐλθών σ’ ἐξέπληξ’ ὀρρωδίᾳ; οὐδέν γ’· ἀφίκου δ’ ἐσ μέριμναν. ἀλλά μοι λέξον, τί θέσπισμ’ ἐκ Τροφωνίου φέρεισ, παίδων ὅπωσ νῷν σπέρμα συγκραθήσεται; οὐκ ἠξίωσε τοῦ θεοῦ προλαμβάνειν μαντεύμαθ’· ἓν δ’ οὖν εἶπεν· οὐκ ἄπαιδά με πρὸσ οἶκον ἥξειν οὐδὲ σὲ ἐκ χρηστηρίων. ὦ πότνια Φοίβου μῆτερ, εἰ γὰρ αἰσίωσ ἔλθοιμεν, ἅ τε νῷν συμβόλαια πρόσθεν ἦν ἐσ παῖδα τὸν σόν, μεταπέσοι βελτίονα. ἔσται τάδ’· ἀλλὰ τίσ προφητεύει θεοῦ; ἡμεῖσ τά γ’ ἔξω, τῶν ἔσω δ’ ἄλλοισ μέλει, οἳ πλησίον θάσσουσι τρίποδοσ, ὦ ξένε, Δελφῶν ἀριστῆσ, οὓσ ἐκλήρωσεν πάλοσ. καλῶσ· ἔχω δὴ πάνθ’ ὅσων ἐχρῄζομεν. στείχοιμ’ ἂν εἴσω· καὶ γάρ, ὡσ ἐγὼ κλύω, χρηστήριον πέπτωκε τοῖσ ἐπήλυσι κοινὸν πρὸ ναοῦ· βούλομαι δ’ ἐν ἡμέρᾳ τῇδ’ ‐ αἰσία γάρ ‐ θεοῦ λαβεῖν μαντεύματα. σὺ δ’ ἀμφὶ βωμούσ, ὦ γύναι, δαφνηφόρουσ λαβοῦσα κλῶνασ, εὐτέκνουσ εὔχου θεοῖσ χρησμούσ μ’ ἐνεγκεῖν ἐξ Ἀπόλλωνοσ δόμων. ἔσται τάδ’, ἔσται. Λοξίασ δ’ ἐὰν θέλῃ νῦν ἀλλὰ τὰσ πρὶν ἀναλαβεῖν ἁμαρτίασ, ἅπασ μὲν οὐ γένοιτ’ ἂν εἰσ ἡμᾶσ φίλοσ, ὅσον δὲ χρῄζει ‐ θεὸσ γάρ ἐστι ‐ δέξομαι. τί ποτε λόγοισιν ἡ ξένη πρὸσ τὸν θεὸν κρυπτοῖσιν αἰεὶ λοιδοροῦσ’ αἰνίσσεται; ἤτοι φιλοῦσά γ’ ἧσ ὕπερ μαντεύεται, ἢ καί τι σιγῶσ’ ὧν σιωπᾶσθαι χρεών; ἀτὰρ θυγατρὸσ τῆσ Ἐρεχθέωσ τί μοι μέλει; προσήκει γ’ οὐδέν. ἀλλὰ χρυσέαισ πρόχοισιν ἐλθὼν εἰσ ἀπορραντήρια δρόσον καθήσω. νουθετητέοσ δέ μοι Φοῖβοσ, τί πάσχει· παρθένουσ βίᾳ γαμῶν προδίδωσι; παῖδασ ἐκτεκνούμενοσ λάθρᾳ θνῄσκοντασ ἀμελεῖ; μὴ σύ γ’· ἀλλ’, ἐπεὶ κρατεῖσ, ἀρετὰσ δίωκε. καὶ γὰρ ὅστισ ἂν βροτῶν κακὸσ πεφύκῃ, ζημιοῦσιν οἱ θεοί. πῶσ οὖν δίκαιον τοὺσ νόμουσ ὑμᾶσ βροτοῖσ γράψαντασ, αὐτοὺσ ἀνομίαν ὀφλισκάνειν; εἰ δ’ ‐ οὐ γὰρ ἔσται, τῷ λόγῳ δὲ χρήσομαι ‐ δίκασ βιαίων δώσετ’ ἀνθρώποισ γάμων, σὺ καὶ Ποσειδῶν Ζεύσ θ’ ὃσ οὐρανοῦ κρατεῖ, ναοὺσ τίνοντεσ ἀδικίασ κενώσετε. τὰσ ἡδονὰσ γὰρ τῆσ προμηθίασ πάροσ σπεύδοντεσ ἀδικεῖτ’. οὐκέτ’ ἀνθρώπουσ κακῶσ λέγειν δίκαιον, εἰ τὰ τῶν θεῶν καλὰ μιμούμεθ’, ἀλλὰ τοὺσ διδάσκοντασ τάδε.

일치하는 문장이 없습니다.

SEARCH

MENU NAVIGATION