Euripides, Ion, episode 4:

κυρεῖ δ’ ἅμ’ ἱππεύοντοσ ἡλίου κύκλῳ προφῆτισ ἐσβαίνουσα μαντεῖον θεοῦ· ὄψιν δὲ προσβαλοῦσα παιδὶ νηπίῳ ἐθαύμασ’ εἴ τισ Δελφίδων τλαίη κόρη λαθραῖον ὠδῖν’ ἐσ θεοῦ ῥῖψαι δόμον, ὑπέρ τε θυμέλασ διορίσαι πρόθυμοσ ἦν· οἴκτῳ δ’ ἀφῆκεν ὠμότητα ‐ καὶ θεὸσ συνεργὸσ ἦν τῷ παιδὶ μὴ ’κπεσεῖν δόμων ‐ τρέφει δέ νιν λαβοῦσα. τὸν σπείραντα δὲ οὐκ οἶδε Φοῖβον οὐδὲ μητέρ’ ἧσ ἔφυ, ὁ παῖσ τε τοὺσ τεκόντασ οὐκ ἐπίσταται.