Euripides, Heracles, episode, anapests 5:

(에우리피데스, Heracles, episode, anapests 5:)

καλῶσ· παρελθὼν νῦν πρόσειπέ θ’ ἑστίαν καὶ δὸσ πατρῴοισ δώμασιν σὸν ὄμμ’ ἰδεῖν. ἥξει γὰρ αὐτὸσ σὴν δάμαρτα καὶ τέκνα ἕλξων φονεύσων κἄμ’ ἐπισφάξων ἄναξ· μένοντι δ’ αὐτοῦ πάντα σοι γενήσεται τῇ τ’ ἀσφαλείᾳ κερδανεῖσ· πόλιν δὲ σὴν μὴ πρὶν ταράξῃσ πρὶν τόδ’ εὖ θέσθαι, τέκνον. δράσω τάδ’· εὖ γὰρ εἶπασ· εἶμ’ ἔσω δόμων. χρόνῳ δ’ ἀνελθὼν ἐξ ἀνηλίων μυχῶν Αἵδου Κόρησ <τ’> ἔνερθεν, οὐκ ἀτιμάσω θεοὺσ προσειπεῖν πρῶτα τοὺσ κατὰ στέγασ. ἦλθεσ γὰρ ὄντωσ δώματ’ εἰσ Αἵδου, τέκνον; καὶ θῆρά γ’ ἐσ φῶσ τὸν τρίκρανον ἤγαγον. μάχῃ κρατήσασ ἢ θεᾶσ δωρήμασιν; μάχῃ· τὰ μυστῶν δ’ ὄργι’ εὐτύχησ’ ἰδών. ἦ καὶ κατ’ οἴκουσ ἐστὶν Εὐρυσθέωσ ὁ θήρ; Χθονίασ νιν ἄλσοσ Ἑρμιών τ’ ἔχει πόλισ. οὐδ’ οἶδεν Εὐρυσθεύσ σε γῆσ ἥκοντ’ ἄνω; οὐκ οἶδ’· ἵν’ ἐλθὼν τἀνθάδ’ εἰδείην πάροσ. χρόνον δὲ πῶσ τοσοῦτον ἦσθ’ ὑπὸ χθονί; Θησέα κομίζων ἐχρόνισ’ <ἐξ> Αἵδου, πάτερ. καὶ ποῦ ’στιν; ἢ γῆσ πατρίδοσ οἴχεται πέδον; βέβηκ’ Ἀθήνασ νέρθεν ἄσμενοσ φυγών. ἀλλ’ εἶ’, ὁμαρτεῖτ’, ὦ τέκν’, ἐσ δόμουσ πατρί· καλλίονέσ τἄρ’ εἴσοδοι τῶν ἐξόδων πάρεισιν ὑμῖν. ἀλλὰ θάρσοσ ἴσχετε καὶ νάματ’ ὄσσων μηκέτ’ ἐξανίετε· σύ τ’, ὦ γύναι μοι, σύλλογον ψυχῆσ λαβὲ τρόμου τε παῦσαι, καὶ μέθεσθ’ ἐμῶν πέπλων· οὐ γὰρ πτερωτὸσ οὐδὲ φευξείω φίλουσ. ἆ, οἵδ’ οὐκ ἀφιᾶσ’, ἀλλ’ ἀνάπτονται πέπλων τοσῷδε μᾶλλον· ὧδ’ ἔβητ’ ἐπὶ ξυροῦ; ἄξω λαβών γε τούσδ’ ἐφολκίδασ χεροῖν, ναῦσ δ’ ὣσ ἐφέλξω· καὶ γὰρ οὐκ ἀναίνομαι θεράπευμα τέκνων. πάντα τἀνθρώπων ἴσα· φιλοῦσι παῖδασ οἵ τ’ ἀμείνονεσ βροτῶν οἵ τ’ οὐδὲν ὄντεσ· χρήμασιν δὲ διάφοροι· ἔχουσιν, οἳ δ’ οὔ· πᾶν δὲ φιλότεκνον γένοσ.

상위

Heracles

목록

일치하는 문장이 없습니다.

SEARCH

MENU NAVIGATION