Euripides, Helen, episode, dialogue 18:

(에우리피데스, Helen, episode, dialogue 18:)

τοῦτ’ αὖ κατορθοῖσ· εἶτ’ ἐγὼ συμπλεύσομαι καὶ συγκαθήσω κόσμον ἐν ταὐτῷ σκάφει. σὲ καὶ παρεῖναι δεῖ μάλιστα τούσ τε σοὺσ πλωτῆρασ οἵπερ ἔφυγον ἐκ ναυαγίασ. καὶ μὴν ἐάνπερ ναῦν ἐπ’ ἀγκύρασ λάβω, ἀνὴρ παρ’ ἄνδρα στήσεται ξιφηφόροσ. σὲ χρὴ βραβεύειν πάντα· πόμπιμοι μόνον λαίφει πνοαὶ γένοιντο καὶ νεὼσ δρόμοσ. ἔσται· πόνουσ γὰρ δαίμονεσ παύσουσί μου. ἀτὰρ θανόντα τοῦ μ’ ἐρεῖσ πεπυσμένη; σοῦ· καὶ μόνοσ γε φάσκε διαφυγεῖν μόρον Ἀτρέωσ πλέων σὺν παιδὶ καὶ θανόνθ’ ὁρᾶν. καὶ μὴν τάδ’ ἀμφίβληστρα σώματοσ ῥάκη ξυμμαρτυρήσει ναυτικῶν ἐρειπίων. ἐσ καιρὸν ἦλθε, τότε δ’ ἄκαιρ’ ἀπώλλυτο· τὸ δ’ ἄθλιον κεῖν’ εὐτυχὲσ τάχ’ ἂν πέσοι. πότερα δ’ ἐσ οἴκουσ σοὶ συνεισελθεῖν με χρὴ ἢ πρὸσ τάφῳ τῷδ’ ἥσυχοι καθώμεθα; αὐτοῦ μέν’· ἢν γὰρ καί τι πλημμελέσ σε δρᾷ, τάφοσ σ’ ὅδ’ ἂν ῥύσαιτο φάσγανόν τε σόν. ἐγὼ δ’ ἐσ οἴκουσ βᾶσα βοστρύχουσ τεμῶ πέπλων τε λευκῶν μέλανασ ἀνταλλάξομαι παρῇδί τ’ ὄνυχα φόνιον ἐμβαλῶ χροόσ. μέγασ γὰρ ἁγών, καὶ βλέπω δύο ῥοπάσ· ἢ γὰρ θανεῖν δεῖ μ’, ἢν ἁλῶ τεχνωμένη, ἢ πατρίδα τ’ ἐλθεῖν καὶ σὸν ἐκσῷσαι δέμασ.

일치하는 문장이 없습니다.

SEARCH

MENU NAVIGATION