Euripides, Helen, episode, dialogue 16:

(에우리피데스, Helen, episode, dialogue 16:)

καὶ γὰρ τίσισ τῶνδ’ ἐστὶ τοῖσ τε νερτέροισ καὶ τοῖσ ἄνωθεν πᾶσιν ἀνθρώποισ· ὁ νοῦσ τῶν κατθανόντων ζῇ μὲν οὔ, γνώμην δ’ ἔχει ἀθάνατον εἰσ ἀθάνατον αἰθέρ’ ἐμπεσών. ὡσ οὖν παραινῶ μὴ μακράν, σιγήσομαι ἅ μου καθικετεύσατ’, οὐδὲ μωρίᾳ ξύμβουλοσ ἔσομαι τῇ κασιγνήτου ποτέ. εὐεργετῶ γὰρ κεῖνον οὐ δοκοῦσ’ ὅμωσ, ἐκ δυσσεβείασ ὅσιον εἰ τίθημί νιν. αὐτοὶ μὲν οὖν ὁδόν τιν’ ἐξευρίσκετε, ἐγὼ δ’ ἀποστᾶσ’ ἐκποδὼν σιγήσομαι. ἐκ τῶν θεῶν δ’ ἄρχεσθε χἱκετεύετε τὴν μέν σ’ ἐᾶσαι πατρίδα νοστῆσαι Κύπριν, Ἥρασ δὲ τὴν ἔννοιαν ἐν ταὐτῷ μένειν ἣν ἐσ σὲ καὶ σὸν πόσιν ἔχει σωτηρίασ. σὺ δ’, ὦ θανών μοι πάτερ, ὅσον γ’ ἐγὼ σθένω, οὔποτε κεκλήσῃ δυσσεβὴσ ἀντ’ εὐσεβοῦσ. οὐδείσ ποτ’ εὐτύχησεν ἔκδικοσ γεγώσ, ἐν τῷ δικαίῳ δ’ ἐλπίδεσ σωτηρίασ.

일치하는 문장이 없습니다.

SEARCH

MENU NAVIGATION