Euripides, Helen, episode, dialogue 2:

(에우리피데스, Helen, episode, dialogue 2:)

ἐσ ταὐτὸ κἀμοὶ δόξα μαντειῶν πέρι χωρεῖ γέροντι· τοὺσ θεοὺσ ἔχων τισ ἂν φίλουσ ἀρίστην μαντικὴν ἔχοι δόμοισ. εἰε͂̔ν· τὰ μὲν δὴ δεῦρ’ ἀεὶ καλῶσ ἔχει. ὅπωσ δ’ ἐσώθησ, ὦ τάλασ, Τροίασ ἄπο, κέρδοσ μὲν οὐδὲν εἰδέναι, πόθοσ δέ τισ τὰ τῶν φίλων φίλοισιν αἰσθέσθαι κακά. ἦ πόλλ’ ἀνήρου μ’ ἑνὶ λόγῳ μιᾷ θ’ ὁδῷ. τί σοι λέγοιμ’ ἂν τὰσ ἐν Αἰγαίῳ φθορὰσ τὰ Ναυπλίου τ’ Εὐβοικὰ πυρπολήματα Κρήτην τε Λιβύησ θ’ ἃσ ἐπεστράφην πόλεισ, σκοπιάσ τε Περσέωσ; οὐ γὰρ ἐμπλήσαιμί σ’ <ἂν> μύθων, λέγων τ’ ἄν σοι κάκ’ ἀλγοίην ἔτι, πάσχων τ’ ἔκαμνον· δὶσ δὲ λυπηθεῖμεν ἄν. κάλλιον εἶπασ ἤ σ’ ἀνηρόμην ἐγώ. ἓν δ’ εἰπὲ πάντα παραλιπών, πόσον χρόνον πόντου ’πὶ νώτοισ ἅλιον ἐφθείρου πλάνον; ἐν ναυσὶν ὢν πρὸσ τοῖσιν ἐν Τροίᾳ δέκα ἔτεσι διῆλθον ἑπτὰ περιδρομὰσ ἐτῶν. φεῦ φεῦ· μακρόν γ’ ἔλεξασ, ὦ τάλασ, χρόνον σωθεὶσ δ’ ἐκεῖθεν ἐνθάδ’ ἦλθεσ ἐσ σφαγάσ. πῶσ φῄσ; τί λέξεισ; ὥσ μ’ ἀπώλεσασ, γύναι. φεῦγ’ ὡσ τάχιστα τῆσδ’ ἀπαλλαχθεὶσ χθονόσ. θανῇ πρὸσ ἀνδρὸσ οὗ τάδ’ ἐστὶ δώματα. τί χρῆμα δράσασ ἄξιον τῆσ συμφορᾶσ; ἥκεισ ἀέλπτοσ ἐμποδὼν ἐμοῖσ γάμοισ. ἦ γὰρ γαμεῖν τισ τἄμ’ ἐβουλήθη λέχη; ὕβριν θ’ ὑβρίζειν εἰσ ἔμ’, ἣν ἔτλην ἐγώ. ἰδίᾳ σθένων τισ ἢ τυραννεύων χθονόσ; ὃσ γῆσ ἀνάσσει τῆσδε Πρωτέωσ γόνοσ. τόδ’ ἔστ’ ἐκεῖν’ αἴνιγμ’ ὃ προσπόλου κλύω. ποίοισ ἐπιστὰσ βαρβάροισ πυλώμασιν; τοῖσδ’, ἔνθεν ὥσπερ πτωχὸσ ἐξηλαυνόμην. οὔ που προσῄτεισ βίοτον; ὦ τάλαιν’ ἐγώ. τοὔργον μὲν ἦν τοῦτ’, ὄνομα δ’ οὐκ εἶχεν τόδε.

일치하는 문장이 없습니다.

SEARCH

MENU NAVIGATION