헬라어 문장 검색 - ΕυριπίΗελεν́3́5́

(에우리피데스, Helen, episode, lyric)

γέγηθα, κρατὶ δ’ ὀρθίουσ ἐθείρασ ἀνεπτέρωκα καὶ δάκρυ σταλάσσω, περὶ δὲ γυῖα χέρασ ἔβαλον, ἡδονάν, ὦ πόσισ, ὡσ λάβω. ὦ φιλτάτη πρόσοψισ, οὐκ ἐμέμφθην· ἔχω τὰ τῆσ Διόσ τε λέκτρα Λήδασ θ’, ἃν ὑπὸ λαμπάδων κόροι λεύκιπποι ξυνομαίμονεσ ὤλβισαν ὤλβισαν τὸ πρόσθεν, ἐκ δόμων δὲ νοσφίσασ σ’ ἐμοῦ πρὸσ ἄλλαν ἐλαύνει θεὸσ συμφορὰν τᾶσδε κρείσσω. τὸ κακὸν δ’ ἀγαθὸν σέ τε κἀμὲ συνάγαγε, πόσιν χρόνιον, ἀλλ’ ὅμωσ ὀναίμαν τύχασ. ὄναιο δῆτα. ταὐτὰ δὴ ξυνεύχομαι· δυοῖν γὰρ ὄντοιν οὐχ ὃ μὲν τλήμων, ὃ δ’ οὔ. φίλαι φίλαι, τὰ πάροσ οὐκέτι στένομεν οὐδ’ ἀλγῶ. πόσιν ἐμὸν ἔχομεν ἔχομεν, ὃν ἔμενον ἔμενον ἐκ Τροίασ πολυετῆ μολεῖν. ἔχεισ, ἐγώ τε σέ· ἡλίουσ δὲ μυρίουσ μόλισ διελθὼν ᾐσθόμην τὰ τῆσ θεοῦ. ἐμὰ δὲ χαρμονὰ δάκρυα· πλέον ἔχει χάριτοσ ἢ λύπασ. τί φῶ; τίσ ἂν τάδ’ ἤλπισεν βροτῶν ποτε; ἀδόκητον ἔχω σε πρὸσ στέρνοισ. κἀγὼ σὲ τὴν δοκοῦσαν Ἰδαίαν πόλιν μολεῖν Ἰλίου τε μελέουσ πύργουσ. πρὸσ θεῶν, δόμων πῶσ τῶν ἐμῶν ἀπεστάλησ; ἒ ἔ· πικρὰσ ἐσ ἀρχὰσ βαίνεισ, ἒ ἔ· πικρὰν δ’ ἐρευνᾷσ φάτιν. λέγ’· ὡσ ἀκουστὰ πάντα δῶρα δαιμόνων. ἀπέπτυσα μὲν λόγον, οἱο͂ν οἱο͂ν ἐσοίσομαι. ὅμωσ δὲ λέξον· ἡδύ τοι μόχθων κλύειν. οὐκ ἐπὶ βαρβάρου λέκτρα νεανία πετομένασ κώπασ, πετομένου δ’ ἔρωτοσ ἀδίκων γάμων .

. τίσ <γάρ> σε δαίμων ἢ πότμοσ συλᾷ πάτρασ; ὁ Διὸσ ὁ Διόσ, ὦ πόσι, παῖσ μ’ . . . ἐπέλασεν Νείλῳ. θαυμαστά· τοῦ πέμψαντοσ; ὦ δεινοὶ λόγοι. κατεδάκρυσα καὶ βλέφαρον ὑγραίνω δάκρυσιν· ἁ Διόσ μ’ ἄλοχοσ ὤλεσεν. Ἥρα; τί νῷν χρῄζουσα προσθεῖναι κακόν; ὤμοι ἐμῶν δεινῶν, λουτρῶν καὶ κρηνῶν, ἵνα θεαὶ μορφὰν ἐφαίδρυναν, ἔνθεν ἔμολεν κρίσισ. τὰ δ’ ἐσ κρίσιν σοι τῶνδ’ ἔθηχ’ Ἥρα κακῶν ‐ ; Πάριν ὡσ ἀφέλοιτο ‐ πῶσ; αὔδα. Κύπρισ ᾧ μ’ ἐπένευσεν ‐ ὦ τλᾶμον. τλάμων, τλάμων· ὧδ’ ἐπέλασ’ Αἰγύπτῳ. εἶτ’ ἀντέδωκ’ εἴδωλον, ὡσ σέθεν κλύω. τὰ δὲ <σὰ> κατὰ μέλαθρα πάθεα πάθεα, μᾶ‐ τερ, οἲ ’γώ. τί φῄσ; οὐκ ἔστι μάτηρ· ἀγχόνιον δὲ βρόχον δι’ ἐμὰν κατεδήσατο δυσγάμου αἰσχύναν. ὤμοι· θυγατρὸσ δ’ Ἑρμιόνησ ἔστιν βίοσ; ἄγαμοσ ἄτεκνοσ, ὦ πόσι, καταστένει γάμον ἄγαμον <ἐμόν>. ὦ πᾶν κατ’ ἄκρασ δῶμ’ ἐμὸν πέρσασ Πάρισ, τάδε καὶ σὲ διώλεσε μυριάδασ τε χαλκεόπλων Δαναῶν. ἐμὲ δὲ πατρίδοσ ἄπο κακόποτμον ἀραίαν ἔβαλε θεὸσ ἀπό <τε> πόλεοσ ἀπό τε σέθεν, ὅτε μέλαθρα λέχεά τ’ ἔλιπον ‐ οὐ λιποῦσ’ ἐπ’ αἰσχροῖσ γάμοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Helen, episode, lyric

(에우리피데스, Helen, episode, lyric)

상위

목록

SEARCH

MENU NAVIGATION