헬라어 문장 검색 - ΕυριπίΗελεν́3́2́

(에우리피데스, Helen, episode, dialogue)

ὦ τὰσ τεθρίππουσ Οἰνομάῳ Πῖσαν κάτα Πέλοψ ἁμίλλασ ἐξαμιλληθείσ ποτε, εἴθ’ ὤφελεσ τόθ’, ἡνίκ’ ἔρανον εἰσ θεοὺσ πεισθεὶσ ἐποίεισ, ἐν θεοῖσ λιπεῖν βίον, πρὶν τὸν ἐμὸν Ἀτρέα πατέρα γεννῆσαί ποτε, ὃσ ἐξέφυσεν Αἐρόπησ λέκτρων ἄπο Ἀγαμέμνον’ ἐμέ τε Μενέλεων, κλεινὸν ζυγόν· πλεῖστον γὰρ οἶμαι ‐ καὶ τόδ’ οὐ κόμπῳ λέγω ‐ στράτευμα κώπῃ διορίσαι Τροίαν ἔπι, τύραννοσ οὐδὲν πρὸσ βίαν στρατηλατῶν, ἑκοῦσι δ’ ἄρξασ Ἑλλάδοσ νεανίαισ. καὶ τοὺσ μὲν οὐκέτ’ ὄντασ ἀριθμῆσαι πάρα, τοὺσ δ’ ἐκ θαλάσσησ ἀσμένουσ πεφευγότασ, νεκρῶν φέροντασ ὀνόματ’ εἰσ οἴκουσ πάλιν. ἐγὼ δ’ ἐπ’ οἶδμα πόντιον γλαυκῆσ ἁλὸσ τλήμων ἀλῶμαι χρόνον ὅσονπερ Ἰλίου πύργουσ ἔπερσα, κἀσ πάτραν χρῄζων μολεῖν οὐκ ἀξιοῦμαι τοῦδε πρὸσ θεῶν τυχεῖν. Λιβύησ τ’ ἐρήμουσ ἀξένουσ τ’ ἐπιδρομὰσ πέπλευκα πάσασ· χὥταν ἐγγὺσ ὦ πάτρασ, πάλιν μ’ ἀπωθεῖ πνεῦμα, κοὔποτ’ οὔριον ἐσῆλθε λαῖφοσ ὥστε μ’ ἐσ πάτραν μολεῖν. καὶ νῦν τάλασ ναυαγὸσ ἀπολέσασ φίλουσ ἐξέπεσον ἐσ γῆν τήνδε·

ναῦσ δὲ πρὸσ πέτρασ πολλοὺσ ἀριθμοὺσ ἄγνυται ναυαγίων. τρόπισ δ’ ἐλείφθη ποικίλων ἁρμοσμάτων, ἐφ’ ἧσ ἐσώθην μόλισ ἀνελπίστῳ τύχῃ Ἑλένη τε, Τροίασ ἣν ἀποσπάσασ ἔχω. ὄνομα δὲ χώρασ ἥτισ ἥδε καὶ λεὼσ οὐκ οἶδα· ὄχλον γὰρ ἐσπεσεῖν ᾐσχυνόμην ὥσθ’ ἱστορῆσαι, τὰσ ἐμὰσ δυσχλαινίασ κρύπτων ὑπ’ αἰδοῦσ τῆσ τύχησ. ὅταν δ’ ἀνὴρ πράξῃ κακῶσ ὑψηλόσ, εἰσ ἀηθίαν πίπτει κακίω τοῦ πάλαι δυσδαίμονοσ. χρεία δὲ τείρει μ’· οὔτε γὰρ σῖτοσ πάρα οὔτ’ ἀμφὶ χρῶτ’ ἐσθῆτεσ· αὐτὰ δ’ εἰκάσαι πάρεστι ναὸσ ἐκβόλοισ ἃ ἀμπίσχομαι. πέπλουσ δὲ τοὺσ πρὶν λαμπρά τ’ ἀμφιβλήματα χλιδάσ τε πόντοσ ἡρ́πασ’· ἐν δ’ ἄντρου μυχοῖσ κρύψασ γυναῖκα τὴν κακῶν πάντων ἐμοὶ ἄρξασαν ἥκω τούσ τε περιλελειμμένουσ φίλων φυλάσσειν τἄμ’ ἀναγκάσασ λέχη. μόνοσ δὲ νοστῶ, τοῖσ ἐκεῖ ζητῶν φίλοισ τὰ πρόσφορ’ ἤν πωσ ἐξερευνήσασ λάβω. ἰδὼν δὲ δῶμα περιφερὲσ θριγκοῖσ τόδε πύλασ τε σεμνὰσ ἀνδρὸσ ὀλβίου τινόσ, προσῆλθον· ἐλπὶσ δ’ ἔκ γε πλουσίων δόμων λαβεῖν τι ναύταισ· ἐκ δὲ μὴ ἐχόντων βίον ‐ οὐδ’ εἰ θέλοιεν, ὠφελεῖν ἔχοιεν ἄν. ὠή·

τίσ ἂν πυλωρὸσ ἐκ δόμων μόλοι, ὅστισ διαγγείλειε τἄμ’ ἔσω κακά; τίσ πρὸσ πύλαισιν;

οὐκ ἀπαλλάξῃ δόμων καὶ μὴ πρὸσ αὐλείοισιν ἑστηκὼσ πύλαισ ὄχλον παρέξεισ δεσπόταισ; ἢ κατθανῇ Ἕλλην πεφυκώσ, οἷσιν οὐκ ἐπιστροφαί. ὦ γραῖα, ταὐτὰ ταῦτ’ ἔπη κἄλλωσ λέγειν ἔξεστι, πείσομαι γάρ· ἀλλ’ ἄνεσ λόγον. ἄπελθ’· ἐμοὶ γὰρ τοῦτο πρόσκειται, ξένε, μηδένα πελάζειν τοισίδ’ Ἑλλήνων δόμοισ. ἆ· μὴ προσείλει χεῖρα μηδ’ ὤθει βίᾳ. πείθῃ γὰρ οὐδὲν ὧν λέγω, σὺ δ’ αἴτιοσ. ἄγγειλον εἴσω δεσπόταισι τοῖσι σοῖσ. . . . πικρῶσ ἄρ’ οἶμαί γ’ ἀγγελεῖν τοὺσ σοὺσ λόγουσ. ναυαγὸσ ἥκω ξένοσ, ἀσύλητον γένοσ. οἶκον πρὸσ ἄλλον νύν τιν’ ἀντὶ τοῦδ’ ἴθι. οὔκ, ἀλλ’ ἔσω πάρειμι· καὶ σύ μοι πιθοῦ. ὀχληρὸσ ἴσθ’ ὤν· καὶ τάχ’ ὠσθήσῃ βίᾳ. αἰαῖ· τὰ κλεινὰ ποῦ ’στί μοι στρατεύματα; οὐκοῦν ἐκεῖ που σεμνὸσ ἦσθ’, οὐκ ἐνθάδε. ὦ δαῖμον, ὡσ ἀνάξι’ ἠτιμώμεθα. τί βλέφαρα τέγγεισ δάκρυσι; πρὸσ τίν’ οἰκτρὸσ εἶ; πρὸσ τὰσ πάροιθεν συμφορὰσ εὐδαίμονασ. οὔκουν ἀπελθὼν δάκρυα σοῖσ δώσεισ φίλοισ; τίσ δ’ ἥδε χώρα; τοῦ δὲ βασίλειοι δόμοι; Πρωτεὺσ τάδ’ οἰκεῖ δώματ’, Αἴγυπτοσ δὲ γῆ. Αἴγυπτοσ; ὦ δύστηνοσ, οἷ πέπλευκ’ ἄρα. τί δὴ τὸ Νείλου μεμπτόν ἐστί σοι γάνοσ; οὐ τοῦτ’ ἐμέμφθην· τὰσ ἐμὰσ στένω τύχασ. πολλοὶ κακῶσ πράσσουσιν, οὐ σὺ δὴ μόνοσ. ἔστ’ οὖν ἐν οἴκοισ ὅντιν’ ὀνομάζεισ ἄναξ; τόδ’ ἐστὶν αὐτοῦ μνῆμα, παῖσ δ’ ἄρχει χθονόσ. ποῦ δῆτ’ ἂν εἰή; πότερον ἐκτὸσ ἢ ’ν δόμοισ; οὐκ ἔνδον· Ἕλλησιν δὲ πολεμιώτατοσ. τίν’ αἰτίαν σχὼν ἧσ ἐπηυρόμην ἐγώ; Ἑλένη κατ’ οἴκουσ ἐστὶ τούσδ’ ἡ τοῦ Διόσ. πῶσ φῄσ; τίν’ εἶπασ μῦθον; αὖθίσ μοι φράσον. ἡ Τυνδαρὶσ παῖσ, ἣ κατὰ Σπάρτην ποτ’ ἦν. πόθεν μολοῦσα; τίνα τὸ πρᾶγμ’ ἔχει λόγον; Λακεδαίμονοσ γῆσ δεῦρο νοστήσασ’ ἄπο. πότε; οὔ τί που λελῄσμεθ’ ἐξ ἄντρων λέχοσ; πρὶν τοὺσ Ἀχαιούσ, ὦ ξέν’, ἐσ Τροίαν μολεῖν.

ἀλλ’ ἑρ́π’ ἀπ’ οἴκων· ἔστι γάρ τισ ἐν δόμοισ τύχη, τύραννοσ ᾗ ταράσσεται δόμοσ. καιρὸν γὰρ οὐδέν’ ἦλθεσ· ἢν δὲ δεσπότησ λάβῃ σε, θάνατοσ ξένιά σοι γενήσεται. εὔνουσ γάρ εἰμ’ Ἕλλησιν, οὐχ ὅσον πικροὺσ λόγουσ ἔδωκα δεσπότην φοβουμένη. τί φῶ; τί λέξω; συμφορὰσ γὰρ ἀθλίασ ἐκ τῶν πάροιθεν τὰσ παρεστώσασ κλύω, εἰ τὴν μὲν αἱρεθεῖσαν ἐκ Τροίασ ἄγων ἥκω δάμαρτα καὶ κατ’ ἄντρα σῴζεται, ὄνομα δὲ ταὐτὸν τῆσ ἐμῆσ ἔχουσά τισ δάμαρτοσ ἄλλη τοισίδ’ ἐνναίει δόμοισ. Διὸσ δ’ ἔλεξε παῖδά νιν πεφυκέναι. ἀλλ’ ἦ τισ ἔστι Ζηνὸσ ὄνομ’ ἔχων ἀνὴρ Νείλου παρ’ ὄχθασ; εἷσ γὰρ ὅ γε κατ’ οὐρανόν. Σπάρτη δὲ ποῦ γῆσ ἐστι πλὴν ἵνα ῥοαὶ τοῦ καλλιδόνακόσ εἰσιν Εὐρώτα μόνον; ἁπλοῦν δὲ Τυνδάρειον ὄνομα κλῄζεται. Λακεδαίμονοσ δὲ γαῖα τίσ ξυνώνυμοσ Τροίασ τε; ἐγὼ μὲν οὐκ ἔχω τί χρὴ λέγειν. πολλοὶ γάρ, ὡσ εἴξασιν, ἐν πολλῇ χθονὶ ὀνόματα ταὔτ’ ἔχουσι καὶ πόλισ πόλει γυνὴ γυναικί τ’· οὐδὲν οὖν θαυμαστέον. οὐδ’ αὖ τὸ δεινὸν προσπόλου φευξούμεθα· ἀνὴρ γὰρ οὐδεὶσ ὧδε βάρβαροσ φρένασ, ὃσ ὄνομ’ ἀκούσασ τοὐμὸν οὐ δώσει βοράν. κλεινὸν τὸ Τροίασ πῦρ ἐγώ θ’ ὃσ ἧψά νιν, Μενέλαοσ, οὐκ ἄγνωστοσ ἐν πάσῃ χθονί. δόμων ἄνακτα προσμενῶ· δισσὰσ δέ μοι ἔχει φυλάξεισ· ἢν μὲν ὠμόφρων τισ ᾖ, κρύψασ ἐμαυτὸν εἶμι πρὸσ ναυάγια· ἢν δ’ ἐνδιδῷ τι μαλθακόν, τὰ πρόσφορα τῆσ νῦν παρούσησ συμφορᾶσ αἰτήσομαι. κακῶν μὲν ἡμῖν ἔσχατον τοῖσ ἀθλίοισ, ἄλλουσ τυράννουσ αὐτὸν ὄντα βασιλέα βίον προσαιτεῖν· ἀλλ’ ἀναγκαίωσ ἔχει. λόγοσ γάρ ἐστιν οὐκ ἐμόσ, σοφὸν δ’ ἔποσ, δεινῆσ ἀνάγκησ οὐδὲν ἰσχύειν πλέον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Helen, episode, dialogue

(에우리피데스, Helen, episode, dialogue)

상위

목록

SEARCH

MENU NAVIGATION