Euripides, Helen, episode, dialogue

(에우리피데스, Helen, episode, dialogue)

ὦ τὰσ τεθρίππουσ Οἰνομάῳ Πῖσαν κάτα Πέλοψ ἁμίλλασ ἐξαμιλληθείσ ποτε, εἴθ’ ὤφελεσ τόθ’, ἡνίκ’ ἔρανον εἰσ θεοὺσ πεισθεὶσ ἐποίεισ, ἐν θεοῖσ λιπεῖν βίον, πρὶν τὸν ἐμὸν Ἀτρέα πατέρα γεννῆσαί ποτε, ὃσ ἐξέφυσεν Αἐρόπησ λέκτρων ἄπο Ἀγαμέμνον’ ἐμέ τε Μενέλεων, κλεινὸν ζυγόν· πλεῖστον γὰρ οἶμαι ‐ καὶ τόδ’ οὐ κόμπῳ λέγω ‐ στράτευμα κώπῃ διορίσαι Τροίαν ἔπι, τύραννοσ οὐδὲν πρὸσ βίαν στρατηλατῶν, ἑκοῦσι δ’ ἄρξασ Ἑλλάδοσ νεανίαισ. καὶ τοὺσ μὲν οὐκέτ’ ὄντασ ἀριθμῆσαι πάρα, τοὺσ δ’ ἐκ θαλάσσησ ἀσμένουσ πεφευγότασ, νεκρῶν φέροντασ ὀνόματ’ εἰσ οἴκουσ πάλιν. ἐγὼ δ’ ἐπ’ οἶδμα πόντιον γλαυκῆσ ἁλὸσ τλήμων ἀλῶμαι χρόνον ὅσονπερ Ἰλίου πύργουσ ἔπερσα, κἀσ πάτραν χρῄζων μολεῖν οὐκ ἀξιοῦμαι τοῦδε πρὸσ θεῶν τυχεῖν. Λιβύησ τ’ ἐρήμουσ ἀξένουσ τ’ ἐπιδρομὰσ πέπλευκα πάσασ· χὥταν ἐγγὺσ ὦ πάτρασ, πάλιν μ’ ἀπωθεῖ πνεῦμα, κοὔποτ’ οὔριον ἐσῆλθε λαῖφοσ ὥστε μ’ ἐσ πάτραν μολεῖν.

일치하는 문장이 없습니다.

SEARCH

MENU NAVIGATION