Euripides, Hecuba, episode, iambics 5:

(에우리피데스, Hecuba, episode, iambics 5:)

καὶ μήν ‐ ἴσωσ μὲν τοῦ λόγου κενὸν τόδε, Κύπριν προβάλλειν· ἀλλ’ ὅμωσ εἰρήσεται· πρὸσ σοῖσι πλευροῖσ παῖσ ἐμὴ κοιμίζεται ἡ φοιβάσ, ἣν καλοῦσι Κασάνδραν Φρύγεσ. ποῦ τὰσ φίλασ δῆτ’ εὐφρόνασ δείξεισ, ἄναξ, ἢ τῶν ἐν εὐνῇ φιλτάτων ἀσπασμάτων χάριν τίν’ ἕξει παῖσ ἐμή, κείνησ δ’ ἐγώ; ἐκ τοῦ σκότου τε τῶν τε νυκτερησίων φίλτρων μεγίστη γίγνεται βροτοῖσ χάρισ. ἄκουε δή νυν· τὸν θανόντα τόνδ’ ὁρᾷσ; τοῦτον καλῶσ δρῶν ὄντα κηδεστὴν σέθεν δράσεισ. ἑνόσ μοι μῦθοσ ἐνδεὴσ ἔτι. εἴ μοι γένοιτο φθόγγοσ ἐν βραχίοσι καὶ χερσὶ καὶ κόμαισι καὶ ποδῶν βάσει ἢ Δαιδάλου τέχναισιν ἢ θεῶν τινοσ, ὡσ πάνθ’ ὁμαρτῇ σῶν ἔχοιντο γουνάτων κλαίοντ’, ἐπισκήπτοντα παντοίουσ λόγουσ. ὦ δέσποτ’, ὦ μέγιστον Ἕλλησιν φάοσ, πιθοῦ, παράσχεσ χεῖρα τῇ πρεσβύτιδι τιμωρόν, εἰ καὶ μηδέν ἐστιν, ἀλλ’ ὅμωσ. ἐσθλοῦ γὰρ ἀνδρὸσ τῇ δίκῃ θ’ ὑπηρετεῖν καὶ τοὺσ κακοὺσ δρᾶν πανταχοῦ κακῶσ ἀεί. δεινόν γε, θνητοῖσ ὡσ ἅπαντα συμπίτνει, καὶ τὰσ ἀνάγκασ οἱ νόμοι διώρισαν, φίλουσ τιθέντεσ τούσ γε πολεμιωτάτουσ ἐχθρούσ τε τοὺσ πρὶν εὐμενεῖσ ποιούμενοι. ἐγὼ σὲ καὶ σὸν παῖδα καὶ τύχασ σέθεν, Ἑκάβη, δι’ οἴκτου χεῖρά θ’ ἱκεσίαν ἔχω, καὶ βούλομαι θεῶν θ’ οὕνεκ’ ἀνόσιον ξένον καὶ τοῦ δικαίου τήνδε σοι δοῦναι δίκην, εἴ πωσ φανείη γ’ ὥστε σοί τ’ ἔχειν καλῶσ, στρατῷ τε μὴ δόξαιμι Κασάνδρασ χάριν Θρῄκησ ἄνακτι τόνδε βουλεῦσαι φόνον. ἔστιν γὰρ ᾗ ταραγμὸσ ἐμπέπτωκέ μοι· ‐ Τὸν ἄνδρα τοῦτον φίλιον ἡγεῖται στρατόσ, τὸν κατθανόντα δ’ ἐχθρόν· εἰ δὲ σοὶ φίλοσ ὅδ’ ἐστί, χωρὶσ τοῦτο κοὐ κοινὸν στρατῷ. ‐ πρὸσ ταῦτα φρόντιζ’· ὡσ θέλοντα μέν μ’ ἔχεισ σοὶ ξυμπονῆσαι καὶ ταχὺν προσαρκέσαι, βραδὺν δ’, Ἀχαιοῖσ εἰ διαβληθήσομαι.

상위

Hecuba

목록

일치하는 문장이 없습니다.

SEARCH

MENU NAVIGATION