Euripides, Hecuba, episode, lyric

ὤμοι, αἰαῖ, ἔμαθον ἔνυπνον ὀμμάτων ἐμῶν ὄψιν:? ὦ κατάρατ ἀνδρῶν, ὡς διεμοιράσω χρόα, σιδαρέῳ τεμὼν φασγάνῳ μέλεα τοῦδε παιδὸς οὐδ ᾤκτισας. οὔ με παρέβα φάσμα μελανόπτερον, τὰν ἐσεῖδον ἀμφὶ σέ, ὦ τέκνον, οὐκέτ ὄντα Διὸς ἐν φάει. τίς γάρ νιν ἔκτειν· οἶσθ ὀνειρόφρων φράσαι· ἐμὸς ἐμὸς ξένος, Θρῄκιος ἱππότας, ἵν ὁ γέρων πατὴρ ἔθετό νιν κρύψας. οἴμοι, τί λέξεις· χρυσὸν ὡς ἔχοι κτανών· ἄρρητ ἀνωνόμαστα, θαυμάτων πέρα, οὐχ ὅσι οὐδ ἀνεκτά. ποῦ δίκα ξένων·?