Euripides, episode, anapests 3:

(에우리피데스, episode, anapests 3:)

μῶρον μὲν οὖν γυναῖκεσ, οὐκ ἄλλωσ λέγω· ὅταν δ’, ὑπόντοσ τοῦδ’, ἁμαρτάνῃ πόσισ τἄνδον παρώσασ λέκτρα, μιμεῖσθαι θέλει γυνὴ τὸν ἄνδρα χἅτερον κτᾶσθαι φίλον. κἄπειτ’ ἐν ἡμῖν ὁ ψόγοσ λαμπρύνεται, οἱ δ’ αἴτιοι τῶνδ’ οὐ κλύουσ’ ἄνδρεσ κακῶσ. εἰ δ’ ἐκ δόμων ἡρ́παστο Μενέλεωσ λάθρᾳ, κτανεῖν μ’ Ὀρέστην χρῆν, κασιγνήτησ πόσιν Μενέλαον ὡσ σώσαιμι; σὸσ δὲ πῶσ πατὴρ ἠνέσχετ’ ἂν ταῦτ’; εἶτα τὸν μὲν οὐ θανεῖν κτείνοντα χρῆν τἄμ’, ἐμὲ δὲ πρὸσ κείνου παθεῖν; ἔκτειν’, ἐτρέφθην ἥνπερ ἦν πορεύσιμον πρὸσ τοὺσ ἐκείνῳ πολεμίουσ. φίλων γὰρ ἂν τίσ ἂν πατρὸσ σοῦ φόνον ἐκοινώνησέ μοι; λέγ’, εἴ τι χρῄζεισ, κἀντίθεσ παρρησίᾳ, ὅπωσ τέθνηκε σὸσ πατὴρ οὐκ ἐνδίκωσ. δίκαι’ ἔλεξασ· ἡ δίκη δ’ αἰσχρῶσ ἔχει. γυναῖκα γὰρ χρὴ πάντα συγχωρεῖν πόσει, ἥτισ φρενήρησ· ᾗ δὲ μὴ δοκεῖ τάδε, οὐδ’ εἰσ ἀριθμὸν τῶν ἐμῶν ἥκει λόγων. μέμνησο, μῆτερ, οὓσ ἔλεξασ ὑστάτουσ λόγουσ, διδοῦσα πρὸσ σέ μοι παρρησίαν. καὶ νῦν γέ φημι κοὐκ ἀπαρνοῦμαι, τέκνον. ἆρα κλύουσα, μῆτερ, εἶτ’ ἔρξεισ κακῶσ; οὐκ ἔστι, τῇ σῇ δ’ ἡδὺ προσθήσω φρενί.

목록

일치하는 문장이 없습니다.

SEARCH

MENU NAVIGATION