헬라어 문장 검색 - ΕυριπίΕλεξτρά07́

(에우리피데스, episode)

ἐά ἐά· φίλαι, βοῆσ ἠκούσατ’ ‐ ἢ δοκὼ κενὴ ὑπῆλθέ μ’; ‐ ὥστε νερτέρα βροντὴ Διόσ; ἰδού, τάδ’ οὐκ ἄσημα πνεύματ’ αἴρεται· δέσποιν’, ἄμειψον δώματ’, Ἠλέκτρα, τάδε. φίλαι, τί χρῆμα; πῶσ ἀγῶνοσ ἥκομεν; οὐκ οἶδα πλὴν ἕν· φόνιον οἰμωγὴν κλύω. ἤκουσα κἀγώ, τηλόθεν μέν, ἀλλ’ ὅμωσ. μακρὰν γὰρ ἑρ́πει γῆρυσ, ἐμφανήσ γε μήν. Ἀργεῖοσ ὁ στεναγμόσ· ἦ φίλων ἐμῶν; οὐκ οἶδα· πᾶν γὰρ μείγνυται μέλοσ βοῆσ. σφαγὴν ἀυτεῖσ τήνδε μοι· τί μέλλομεν; ἔπισχε, τρανῶσ ὡσ μάθῃσ τύχασ σέθεν. οὐκ ἔστι· νικώμεσθα· ποῦ γὰρ ἄγγελοι; ἥξουσιν· οὔτοι βασιλέα φαῦλον κτανεῖν. ὦ καλλίνικοι παρθένοι Μυκηνίδεσ, νικῶντ’ Ὀρέστην πᾶσιν ἀγγέλλω φίλοισ, Ἀγαμέμνονοσ δὲ φονέα κείμενον πέδῳ Αἴγισθον· ἀλλὰ θεοῖσιν εὔχεσθαι χρεών. τίσ δ’ εἶ σύ; πῶσ μοι πιστὰ σημαίνεισ τάδε; οὐκ οἶσθ’ ἀδελφοῦ μ’ εἰσορῶσα πρόσπολον; ὦ φίλτατ’, ἔκ τοι δείματοσ δυσγνωσίαν εἶχον προσώπου· νῦν δὲ γιγνώσκω σε δή. τί φῄσ; τέθνηκε πατρὸσ ἐμοῦ στυγνὸσ φονεύσ; τέθνηκε· δίσ σοι ταὔθ’, ἃ γοῦν βούλῃ, λέγω. ὦ θεοί, Δίκη τε πάνθ’ ὁρῶσ’, ἦλθέσ ποτε. ποίῳ τρόπῳ δὲ καὶ τίνι ῥυθμῷ φόνου κτείνει Θυέστου παῖδα; βούλομαι μαθεῖν. ἐπεὶ μελάθρων τῶνδ’ ἀπήραμεν πόδα, ἐσβάντεσ ᾖμεν δίκροτον εἰσ ἁμαξιτὸν ἔνθ’ ἦν ὁ κλεινὸσ τῶν Μυκηναίων ἄναξ. κυρεῖ δὲ κήποισ ἐν καταρρύτοισ βεβώσ, δρέπων τερείνησ μυρσίνησ κάρᾳ πλόκουσ· ἰδών τ’ ἀυτεῖ· Χαίρετ’, ὦ ξένοι· τίνεσ πόθεν πορεύεσθ’; ἔστε τ’ ἐκ ποίασ χθονόσ; ὁ δ’ εἶπ’ Ὀρέστησ· Θεσσαλοί· πρὸσ δ’ Ἀλφεὸν θύσοντεσ ἐρχόμεσθ’ Ὀλυμπίῳ Διί. κλύων δὲ ταῦτ’ Αἴγισθοσ ἐννέπει τάδε· νῦν μὲν παρ’ ἡμῖν χρὴ συνεστίουσ ἐμοὶ θοίνησ γενέσθαι· τυγχάνω δὲ βουθυτῶν νύμφαισ· ἑῷοι δ’ ἐξαναστάντεσ λέχουσ ἐσ ταὐτὸν ἥξετ’. ἀλλ’ ἰώμεν ἐσ δόμουσ ‐ καὶ ταῦθ’ ἅμ’ ἠγόρευε καὶ χερὸσ λαβὼν παρῆγεν ἡμᾶσ ‐ οὐδ’ ἀπαρνεῖσθαι χρεών· ἐπεὶ δ’ ἐν οἴκοισ ἦμεν, ἐννέπει τάδε· λούτρ’ ὡσ τάχιστα τοῖσ ξένοισ τισ αἰρέτω, ὡσ ἀμφὶ βωμὸν στῶσι χερνίβων πέλασ. ἀλλ’ εἶπ’ Ὀρέστησ· Ἀρτίωσ ἡγνίσμεθα λουτροῖσι καθαροῖσ ποταμίων ῥείθρων ἄπο. εἰ δὲ ξένουσ ἀστοῖσι συνθύειν χρεών, Αἴγισθ’, ἕτοιμοι κοὐκ ἀπαρνούμεσθ’, ἄναξ. τοῦτον μὲν οὖν μεθεῖσαν ἐκ μέσου λόγον·

λαβὲ σίδηρον, ὦ ξένε, δεῖξόν τε φήμην ἔτυμον ἀμφὶ Θεσσαλῶν. λόγχασ δὲ θέντεσ δεσπότου φρουρήματα δμῶεσ πρὸσ ἔργον πάντεσ ἱέσαν χέρασ· οἳ μὲν σφαγεῖον ἔφερον, οἳ δ’ ᾖρον κανᾶ, ἄλλοι δὲ πῦρ ἀνῆπτον ἀμφί τ’ ἐσχάρασ λέβητασ ὤρθουν· πᾶσα δ’ ἐκτύπει στέγη. λαβὼν δὲ προχύτασ μητρὸσ εὐνέτησ σέθεν ἔβαλλε βωμούσ, τοιάδ’ ἐννέπων ἔπη· νύμφαι πετραῖαι, πολλάκισ με βουθυτεῖν καὶ τὴν κατ’ οἴκουσ Τυνδαρίδα δάμαρτ’ ἐμὴν πράσσοντασ ὡσ νῦν, τοὺσ δ’ ἐμοὺσ ἐχθροὺσ κακῶσ ‐ λέγων Ὀρέστην καὶ σέ. δεσπότησ δ’ ἐμὸσ τἀναντί’ ηὔχετ’, οὐ γεγωνίσκων λόγουσ, λαβεῖν πατρῷα δώματ’. ἐκ κανοῦ δ’ ἑλὼν Αἴγισθοσ ὀρθὴν σφαγίδα, μοσχείαν τρίχα τεμὼν ἐφ’ ἁγνὸν πῦρ ἔθηκε δεξιᾷ, κἄσφαξ’ ἐπ’ ὤμων μόσχον ὡσ ἦραν χεροῖν δμῶεσ, λέγει δὲ σῷ κασιγνήτῳ τάδε· Ἐκ τῶν καλῶν κομποῦσι τοῖσι Θεσσαλοῖσ εἶναι τόδ’, ὅστισ ταῦρον ἀρταμεῖ καλῶσ ἵππουσ τ’ ὀχμάζει· ὁ δ’ εὐκρότητον Δωρίδ’ ἁρπάσασ χεροῖν, ῥίψασ ἀπ’ ὤμων εὐπρεπῆ πορπάματα, Πυλάδην μὲν εἵλετ’ ἐν πόνοισ ὑπηρέτην, δμῶασ δ’ ἀπωθεῖ·

καὶ λαβὼν μόσχου πόδα, λευκὰσ ἐγύμνου σάρκασ ἐκτείνων χέρα· θᾶσσον δὲ βύρσαν ἐξέδειρεν ἢ δρομεὺσ δισσοὺσ διαύλουσ ἱππίουσ διήνυσε, κἀνεῖτο λαγόνασ. ἱερὰ δ’ ἐσ χεῖρασ λαβὼν Αἴγισθοσ ἤθρει. καὶ λοβὸσ μὲν οὐ προσῆν σπλάγχνοισ, πύλαι δὲ καὶ δοχαὶ χολῆσ πέλασ κακὰσ ἔφαινον τῷ σκοποῦντι προσβολάσ. χὣ μὲν σκυθράζει, δεσπότησ δ’ ἀνιστορεῖ· τί χρῆμ’ ἀθυμεῖσ; ‐ ὦ ξέν’, ὀρρωδῶ τινα δόλον θυραῖον. ἔστι δ’ ἔχθιστοσ βροτῶν Ἀγαμέμνονοσ παῖσ πολέμιόσ τ’ ἐμοῖσ δόμοισ· ὃ δ’ εἶπε· φυγάδοσ δῆτα δειμαίνεισ δόλον, πόλεωσ ἀνάσσων; οὐχ, ὅπωσ παστήρια θοινασόμεσθα, Φθιάδ’ ἀντὶ Δωρικῆσ οἴσει τισ ἡμῖν κοπίδ’, ἀπορρήξω χέλυν; λαβὼν δὲ κόπτει. σπλάγχνα δ’ Αἴγισθοσ λαβὼν ἤθρει διαιρῶν. τοῦ δὲ νεύοντοσ κάτω ὄνυχασ ἐπ’ ἄκρουσ στὰσ κασίγνητοσ σέθεν ἐσ σφονδύλουσ ἔπαισε, νωτιαῖα δὲ ἔρρηξεν ἄρθρα· πᾶν δὲ σῶμ’ ἄνω κάτω ἤσπαιρεν ἠλάλαζε δυσθνῄσκων φόνῳ. δμῶεσ δ’ ἰδόντεσ εὐθὺσ ᾖξαν ἐσ δόρυ, πολλοὶ μάχεσθαι πρὸσ δύ’·

αἷμα δ’ αἵματοσ πικρὸσ δανεισμὸσ ἦλθε τῷ θανόντι νῦν. ἀνδρείασ δ’ ὕπο ἔστησαν ἀντίπρῳρα σείοντεσ βέλη Πυλάδησ Ὀρέστησ τ’. εἶπε δ’· οὐχὶ δυσμενὴσ ἥκω πόλει τῇδ’ οὐδ’ ἐμοῖσ ὀπάοσιν, φονέα δὲ πατρὸσ ἀντετιμωρησάμην τλήμων Ὀρέστησ· ἀλλὰ μή με καίνετε, πατρὸσ παλαιοὶ δμῶεσ. οἳ δ’, ἐπεὶ λόγων ἤκουσαν, ἔσχον κάμακασ· ἐγνώσθη δ’ ὑπὸ γέροντοσ ἐν δόμοισιν ἀρχαίου τινόσ. στέφουσι δ’ εὐθὺσ σοῦ κασιγνήτου κάρα χαίροντεσ ἀλαλάζοντεσ. ἔρχεται δὲ σοὶ κάρα ’πιδείξων οὐχὶ Γοργόνοσ φέρων, ἀλλ’ ὃν στυγεῖσ Αἴγισθον·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, episode

(에우리피데스, episode)

상위

목록

SEARCH

MENU NAVIGATION