Euripides, episode 11:

(에우리피데스, episode 11:)

μάντισ δ’ ὁ δαίμων ὅδε· τὸν θεὸν δ’ ἐσ γῆν δέχου καὶ σπένδε καὶ βάκχευε καὶ στέφου κάρα. τὸ γὰρ βακχεύσιμον καὶ τὸ μανιῶδεσ μαντικὴν πολλὴν ἔχει· ὅταν γὰρ ὁ θεὸσ ἐσ τὸ σῶμ’ ἔλθῃ πολύσ, λέγειν τὸ μέλλον τοὺσ μεμηνότασ ποιεῖ. Ἄρεώσ τε μοῖραν μεταλαβὼν ἔχει τινά· στρατὸν γὰρ ἐν ὅπλοισ ὄντα κἀπὶ τάξεσιν φόβοσ διεπτόησε πρὶν λόγχησ θιγεῖν. μανία δὲ καὶ τοῦτ’ ἐστὶ Διονύσου πάρα. ἔτ’ αὐτὸν ὄψῃ κἀπὶ Δελφίσιν πέτραισ πηδῶντα σὺν πεύκαισι δικόρυφον πλάκα, πάλλοντα καὶ σείοντα βακχεῖον κλάδον, μέγαν τ’ ἀν’ Ἑλλάδα. ἀλλ’ ἐμοί, Πενθεῦ, πιθοῦ· μὴ τὸ κράτοσ αὔχει δύναμιν ἀνθρώποισ ἔχειν, μηδ’, ἢν δοκῇσ μέν, ἡ δὲ δόξα σου νοσῇ, φρονεῖν δόκει τι·

일치하는 문장이 없습니다.

SEARCH

MENU NAVIGATION