헬라어 문장 검색 - ΕυριπίΒαξξηαέ09́

(에우리피데스, episode)

σὲ τὸν πρόθυμον ὄνθ’ ἃ μὴ χρεὼν ὁρᾶν σπεύδοντά τ’ ἀσπούδαστα, Πενθέα λέγω, ἔξιθι πάροιθε δωμάτων, ὄφθητί μοι, σκευὴν γυναικὸσ μαινάδοσ βάκχησ ἔχων, μητρόσ τε τῆσ σῆσ καὶ λόχου κατάσκοποσ· πρέπεισ δὲ Κάδμου θυγατέρων μορφὴν μιᾷ. καὶ μὴν ὁρᾶν μοι δύο μὲν ἡλίουσ δοκῶ, δισσὰσ δὲ Θήβασ καὶ πόλισμ’ ἑπτάστομον· καὶ ταῦροσ ἡμῖν πρόσθεν ἡγεῖσθαι δοκεῖσ καὶ σῷ κέρατα κρατὶ προσπεφυκέναι. ἀλλ’ ἦ ποτ’ ἦσθα θήρ; τεταύρωσαι γὰρ οὖν. ὁ θεὸσ ὁμαρτεῖ, πρόσθεν ὢν οὐκ εὐμενήσ, ἔνσπονδοσ ἡμῖν· νῦν δ’ ὁρᾷσ ἃ χρή σ’ ὁρᾶν. τί φαίνομαι δῆτ’; οὐχὶ τὴν Ἰνοῦσ στάσιν ἢ τὴν Ἀγαύησ ἑστάναι, μητρόσ γ’ ἐμῆσ; αὐτὰσ ἐκείνασ εἰσορᾶν δοκῶ σ’ ὁρῶν. ἀλλ’ ἐξ ἕδρασ σοι πλόκαμοσ ἐξέστηχ’ ὅδε, οὐχ ὡσ ἐγώ νιν ὑπὸ μίτρᾳ καθήρμοσα. ἔνδον προσείων αὐτὸν ἀνασείων τ’ ἐγὼ καὶ βακχιάζων ἐξ ἕδρασ μεθώρμισα. ἀλλ’ αὐτὸν ἡμεῖσ, οἷσ σε θεραπεύειν μέλει, πάλιν καταστελοῦμεν· ἀλλ’ ὄρθου κάρα. ἰδού, σὺ κόσμει· σοὶ γὰρ ἀνακείμεσθα δή. ζῶναί τέ σοι χαλῶσι κοὐχ ἑξῆσ πέπλων στολίδεσ ὑπὸ σφυροῖσι τείνουσιν σέθεν. κἀμοὶ δοκοῦσι παρά γε δεξιὸν πόδα· τἀνθένδε δ’ ὀρθῶσ παρὰ τένοντ’ ἔχει πέπλοσ. ἦ πού με τῶν σῶν πρῶτον ἡγήσῃ φίλων, ὅταν παρὰ λόγον σώφρονασ βάκχασ ἴδῃσ. πότερα δὲ θύρσον δεξιᾷ λαβὼν χερὶ ἢ τῇδε, βάκχῃ μᾶλλον εἰκασθήσομαι; ἐν δεξιᾷ χρὴ χἅμα δεξιῷ ποδὶ αἴρειν νιν· αἰνῶ δ’ ὅτι μεθέστηκασ φρενῶν. ἆρ’ ἂν δυναίμην τὰσ Κιθαιρῶνοσ πτυχὰσ αὐταῖσι βάκχαισ τοῖσ ἐμοῖσ ὤμοισ φέρειν;

δύναι’ ἄν, εἰ βούλοιο· τὰσ δὲ πρὶν φρένασ οὐκ εἶχεσ ὑγιεῖσ, νῦν δ’ ἔχεισ οἱάσ σε δεῖ. μοχλοὺσ φέρωμεν; ἢ χεροῖν ἀνασπάσω κορυφαῖσ ὑποβαλὼν ὦμον ἢ βραχίονα; μὴ σύ γε τὰ Νυμφῶν διολέσῃσ ἱδρύματα καὶ Πανὸσ ἕδρασ ἔνθ’ ἔχει συρίγματα. καλῶσ ἔλεξασ· οὐ σθένει νικητέον γυναῖκασ· ἐλάταισιν δ’ ἐμὸν κρύψω δέμασ. κρύψῃ σὺ κρύψιν ἥν σε κρυφθῆναι χρεών, ἐλθόντα δόλιον μαινάδων κατάσκοπον. καὶ μὴν δοκῶ σφᾶσ ἐν λόχμαισ ὄρνιθασ ὣσ λέκτρων ἔχεσθαι φιλτάτοισ ἐν ἑρ́κεσιν. οὐκοῦν ἐπ’ αὐτὸ τοῦτ’ ἀποστέλλῃ φύλαξ· λήψῃ δ’ ἴσωσ σφᾶσ, ἢν σὺ μὴ ληφθῇσ πάροσ. κόμιζε διὰ μέσησ με Θηβαίασ χθονόσ· μόνοσ γὰρ αὐτῶν εἰμ’ ἀνὴρ τολμῶν τόδε. μόνοσ σὺ πόλεωσ τῆσδ’ ὑπερκάμνεισ, μόνοσ· τοιγάρ σ’ ἀγῶνεσ ἀναμένουσιν οὓσ ἐχρῆν. ἕπου δέ· πομπὸσ δ’ εἶμ’ ἐγὼ σωτήριοσ, κεῖθεν δ’ ἀπάξει σ’ ἄλλοσ. ἡ τεκοῦσά γε. ἐπίσημον ὄντα πᾶσιν. ἐπὶ τόδ’ ἔρχομαι. φερόμενοσ ἥξεισ . . . ἁβρότητ’ ἐμὴν λέγεισ. ἐν χερσὶ μητρόσ. καὶ τρυφᾶν μ’ ἀναγκάσεισ. τρυφάσ γε τοιάσδε. ἀξίων μὲν ἅπτομαι. δεινὸσ σὺ δεινὸσ κἀπὶ δείν’ ἔρχῃ πάθη, ὥστ’ οὐρανῷ στηρίζον εὑρήσεισ κλέοσ. ἔκτειν’, Ἀγαύη, χεῖρασ αἵ θ’ ὁμόσποροι Κάδμου θυγατέρεσ·

τὸν νεανίαν ἄγω τόνδ’ εἰσ ἀγῶνα μέγαν, ὁ νικήσων δ’ ἐγὼ καὶ Βρόμιοσ ἔσται. τἄλλα δ’ αὐτὸ σημανεῖ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, episode

(에우리피데스, episode)

상위

목록

SEARCH

MENU NAVIGATION