Euripides, episode 1:

ἔκδημοσ ὢν μὲν τῆσδ’ ἐτύγχανον χθονόσ, κλύω δὲ νεοχμὰ τήνδ’ ἀνὰ πτόλιν κακά, γυναῖκασ ἡμῖν δώματ’ ἐκλελοιπέναι πλασταῖσι βακχείαισιν, ἐν δὲ δασκίοισ ὄρεσι θοάζειν, τὸν νεωστὶ δαίμονα Διόνυσον, ὅστισ ἔστι, τιμώσασ χοροῖσ· πλήρεισ δὲ θιάσοισ ἐν μέσοισιν ἑστάναι κρατῆρασ, ἄλλην δ’ ἄλλοσ’ εἰσ ἐρημίαν πτώσσουσαν εὐναῖσ ἀρσένων ὑπηρετεῖν, πρόφασιν μὲν ὡσ δὴ μαινάδασ θυοσκόουσ, τὴν δ’ Ἀφροδίτην πρόσθ’ ἄγειν τοῦ Βακχίου.