Euripides, episode 3:

(에우리피데스, episode 3:)

πρώτασ δὲ Θήβασ τῆσδε γῆσ Ἑλληνίδοσ ἀνωλόλυξα, νεβρίδ’ ἐξάψασ χροὸσ θύρσον τε δοὺσ ἐσ χεῖρα, κίσσινον βέλοσ· ἐπεί μ’ ἀδελφαὶ μητρόσ, ἃσ ἥκιστα χρῆν, Διόνυσον οὐκ ἔφασκον ἐκφῦναι Διόσ, Σεμέλην δὲ νυμφευθεῖσαν ἐκ θνητοῦ τινοσ ἐσ Ζῆν’ ἀναφέρειν τὴν ἁμαρτίαν λέχουσ, Κάδμου σοφίσμαθ’, ὧν νιν οὕνεκα κτανεῖν Ζῆν’ ἐξεκαυχῶνθ’, ὅτι γάμουσ ἐψεύσατο. τοιγάρ νιν αὐτὰσ ἐκ δόμων ᾤστρησ’ ἐγὼ μανίαισ, ὄροσ δ’ οἰκοῦσι παράκοποι φρενῶν· σκευήν τ’ ἔχειν ἠνάγκασ’ ὀργίων ἐμῶν, καὶ πᾶν τὸ θῆλυ σπέρμα Καδμείων, ὅσαι γυναῖκεσ ἦσαν, ἐξέμηνα δωμάτων· ὁμοῦ δὲ Κάδμου παισὶν ἀναμεμειγμέναι χλωραῖσ ὑπ’ ἐλάταισ ἀνορόφοισ ἧνται πέτραισ. δεῖ γὰρ πόλιν τήνδ’ ἐκμαθεῖν, κεἰ μὴ θέλει, ἀτέλεστον οὖσαν τῶν ἐμῶν βακχευμάτων, Σεμέλησ τε μητρὸσ ἀπολογήσασθαί μ’ ὕπερ φανέντα θνητοῖσ δαίμον’ ὃν τίκτει Διί.

일치하는 문장이 없습니다.

SEARCH

MENU NAVIGATION